Элстд түрүн болж офицермудын бал болв

Пальмовин нертә музейд түрүн болж офицермудын бал болв. Эн керг үүлдвр залу улсин өдрин өмн өргнд бүрдәж давулв. Ке сәәхн заалд костюм өмссн офицермүд вальс би биилв. Эн керг үүлдвр офицермүдин цол зүүжәх чинриг өөдлхин төлә бүрдәгдв.

Пальмовин нертә музейн ик зал тер йир сәәхн болв. Эн ик чинртә керг үүлдврт ик урдаснь белдвр кегдв, офицермуд ханьтаһан хамдан ке сәәхн хувц өмсәд бал эклхин өмн биилсн бииһән давтв.

Милицин полковник Мингиян Батнасуновин келсәр иим керг үүлдвр офицермүдт цир таагдв, цааранднь эн бал сән авьяст тохргдх.

Эн балд ФСБ-н, Мвд-н, Следствен комитетын болн прокуратурин көдләчнр орлцвһӨдр бүүрин бәәдл жирһлд эн зөргтә чидлтә залус мана орн нутг хортнас харсна, тегәд эн керг үүлдвр эднд йир өвәрц болв.

Николай Хулхачиевин болн Джангр Мукаевин келсәр бидн болхла школд сурһуль сурч йовсн цагт тиим би биилг биләвиднһКөдлмштән бидн талдан хувц өмснәвидн, эндр өдр невчкн ичәд бәәвидн.

Мана орн нутгиг харсч йовх офицермүд өндр нүрһта, чидлтә-гиж Халмг Танһчин МВД-н министр Баатр Гиндеев келв. Мана офицермүд дамшлта ахлачнр, кежах кергән йир сәәнәр меднә.

Венский вальс биильснә хөөн полонез би жүрин гешүдт таасгдв, эн бииг арвн йисдгч зун жилмүдт биилдг бәәсмн. Тер цагт дангин тиим керг үүлдвр бүрдәдг бәәсмн.

Бииһин багш Галина Манджиевнан келсәр, офирмүд цуг келсн тоот бийдән шингәж авад цугнь дасад эндр өдр эврәннь билг эрдмән мү бишәр олн улст үзүлжәнә. Хамгин түрүнд эднлә көдлхд невчкн күнд болв. Эн өдрәс авн Офицермүдин бал жил болһн давулгдх. Түрүн болж орлцсн офицермүдт эн керг үүлдвр шүүвр болв. Эн шүүвриг эдн тавн темдгәр харсв.

Колдан Церен, Жамбин Дмитрий