Элстд худл мөнгн илткгдв

Элст балһснд дәкнәс худл мөнгн илткгдв. Эннь сүл арвн өдрт һурвдгч йовдл болж һарчана. Эн саамд хотл балһсна дотр-дундын кергүдин әнгин дежурн әнгд банкин көдләчәс зәнг ирв. Тер дарун оперативн мөшклһнә баг банкд һарч йовв. Нег магазинас орж ирсн мөнг кассир тоолхла, нег минһн арслнга цаасн мөнгн алмацулв. Худл цаасн мөнгн МВД-н шинжлһнә криминалистическ цутхлнгд йовулгдв. Ода полицин көдләчнр зка эвдсн йовдл илткж авлһна төлә оперативн хәәврин керг-үүлдврмүд күцәжәнә. Иим йовдл дару-дарунь учражах көлтә хулд кехләрн болһамжтаһар мөнг тоолж автн гиж полицин көдләчнр саглулжана. Худл мөнг илткснә цуг йовдлмудын тускар дотр-дундын кергүдин органмудт тер дарунь зәнглтн гиж полицин көдләчнр дуудвр кежәнә.