Элст балһснд дула өглһнә то-диг авдг прибормуд шинжлж хәләгджәнә

Элст балһсна үүмүлжәх нег төрин тускар келж өгчәнәвидн. Эндр январин хөрнд Элст балһсна олн давхрта гермүдт дула өглһнә то-диг авдг прибормуд шинжлж хәлгджәнә. Клыковин нертә зун һучдгч тойгта герт «Энергосервисин» болн залврин компаня элснр иим то-диг бичж авв. Давсн сарин болн эн сарин то-диг дүнцүләд, эн герт үвләр олзлгдсн жирн гига калорий кергтә кемжәнлә ирлцжәнә гиж специалистнр тоолжана. Теплосбытин церглтин ахлач Татьяна Корнусован келсәр, давсн жил иим прибормудас хажһр то авснь, ода бәәрн улст му үләмәһән хальдашго. Тер бийнь нидн жилин ноябрь сард дула олзлсна тариф өссн йовдл ода күртә Элстин улсиг үүмүлжәнә. Сергей Раровин урднь келсәр, иим өслт тарифын өслтлә залһлдата биш. Олн давхрта гермдүдин счетчикүд теткжәсн арлһачнр сольгдад, шин арһлачнр болхла чик то-диг авдг болв. Урднь болхла кесг жилдән иим то-диг бичкн бәәж.