Элст балһснд “Автоледи 2012” нертә дөрлдән болв
Элст балһснд “Автоледи 2012” нертә жил болһн бүрдәгддг дөрлдән болв. Энүнд урдк жилмүдәс хамгин олн күүкд улс орлцв. Күүкд күн яһж маши залдган жюрид болн олар цуглрсн улст үзүлв.
Жил болһн тогтсн авьясар күүкд улсин байрин өдрин өмн өргнд «Автоледи ДОССАФ» гидг марһан давулгдна. Эн жилд болхла 5 күүкд орлцв. Эн керг үүлдврт маши залсн күүкд олн зүсн даалһвр күцәх зөвтә. Йилһән сәәнәр даалһвран күцәсн күүкн диилвр бәрнә.
Дасаар организацин ахлачин дарук петир агиновин келсәр жил болһн иим давулгдг керг үүлдврмүд мана күүкд улсин дамшт өөдлүлнә. Эдн хаалһин зокал сәәнәр медсн деерән олн жилдән маши залсн залу улсла әдл болна.
Даяна Мангутова хамгин түрүнд гиигн машиһәр даалһвран күцәһәд, “КамАЗ” машинд суув. Эн күүкд күүнә келсәр бичкн цагасн авн маши залхар седләв тегәд шишлн сурһуль төгсәһәд эндр өдр маши залнав. “КамАЗ” маши залхларн невчкн әәмшгтә болна. Тер юнгад гихлә бичкн маши залхд даслав.
Түүнә хөөн күүкд бууһас хадв. Эн даалһврт күүкд улсин дамшлт болн оньг хәләгдв.
Марһана ашт негдгч орм Ольга Хохлова эзлв. Хойрдг орм Кулешова нелли һарв. һурвдгч ормд Даяна Мангутова орв.
Эн марһанд орлцсн күүкд улс диилвр бәрәд үнтә белгүдәр ачлгдв.
Колдан Наталья, Очра Сергей
