Элст балсһна мэрийн һардачнр хотл балһсна әмтнлә харһлтс кежәнә
Элст балсһна мэрийн һардачнр хотл балһсна әмтнлә харһлт кев. Энүнд хаалһсин, гермүдин ясврин, шин гермүд тосхлһна, газар, усар, электрокүчәр тетклһнә, коммунальн туслмж күрглһнә болн талдан чигн төрмүдәр тодрха күүндвр болв. Минь эн төрәр премьер Владимир Путин Әрәсән министрмүдин кабинетла бас тодрха күүндвр кесмн.
Мэрйин һардачнрла болсн күүндврин йовудт олн сурврмуд өггдв. Хотл балһсна төрмүд халһхин төлә энүг хамгин түрүнд илткж авх кергтә. Элст балһсна мэрийн толһач Николай Андреев эврәннь даажасн үүлин даавриг медәд, иим харлһтс бүрдәв. Николай Андреевин келсәр, иим харһлтын йовудт бидн харһад хамдан хаһлх төрмүд илткж авчанавидн. Нег негән шалһад, цүүгхд амр, ода болхла иим төрмүдиг хаһлх кергтә. Тегәд хамдан иим көдлмш кеһәд, цуг төрмүдиг дүүцүләд хаһлж чадхвидн.
Элст балһсна арвн нәәмдгч тойгта муцинипальн школд болсн харһлтд эн сурһулин завдень сурчах бичкдүдин эк-эцкнр бас ирв. Харһлтын йовудт микрорайона олн төрмүд илткгдв. Энүнд зәрм цагт шүрүн күүндвр һарад бәәв, тер бийнь олн әмтн Элст балһсна хурц төрмүдиг хойр халх хаһлх седвәр медгдв. Харһлтын йовудт хотл балһсна улсиг ххучн нурад унжах гермүдәс нүүлһлһнә программин тускар тодрха күүндвр болв. Ода хот балһсна зәрм улсиг эн төр икәр үүмүлжәнә. Эн күүкд күүнә келсәр, шин герт хамгин түрүнд олн үртә өрк-бүлмүдиг нүүлһх кергтә. Тер мет чеерүдт зогсжах улст бас өгх кергтә.
Онц темдглхд, хальмг танһчин хотл балһснд социальн гермүд кесг жилдән тосхад уга. Олн жилдән чеерүдт зогсад, шин патьр күләжәх улс кезә эврәннь бүүртән орхнь медгджәхш. Ода болхла эн халхар Элстин хазнд мөнгн ховр болв чигн, хотл балһсна һардвр эн төрәр экләд көдлмш күцәжәнә. Ода Элст балһснд тосхгджах шин гермүдт цөн патьр льготн таалд йилһж өгхин тускар тосхлытн энә компаньсла бооца батлж авла. Дәкәд болхла сүл жилмүдт олн давхрта гермүдт тәвгдсн дула өглһнә системин счетчикүдин то-диг баһрулгдсн төр элстин әмтиг бас үүмүлжәнә. Элстин мэрийн элч Раровин келсәр, иим счетчикүдин көдлмшиг эргәд шинжлх кергтә болв. Ода эдн дула өглһнә кемжә чикәр үзүлжәнә. Сүл цагт иим то-диг авчасн әмтн хаһр то-диг өгчәсн бәәж.
Тер мет харһлтын йовудт школмудын ясврин, классмумдын хорас шинрүлһнә, бичкдүдин сад муд секлһнә төрмүд бас босхгдв. Жил ирвәс эн туст неквр сольгдад йовна. Хаһлх төрмүд олн болв чигн, бәәрн әмтни эднә төрмүд дүүцүләд хаһлгдх гиж нәәлжәнә. Нәәмдгч микрорайона бәәрн күүкд күн келсәр, Маргарита Момолдыкован келсәр, мана төрмүд хаһлх тоолвриг һардачнр сонсжахнь байрта керг. Тиигхлә Элст балһсн улм сәәхрх. Ода чигн эн туст сән сольвр болжахнь үзгджәнә.
Хавтхна Элла, Очра Сергей
