Дигтә нег жил хооран Алексей Орлов Хальмг танһчин толһачд шиидгдсмн
Эндр дигтә нег жил хооран Хальмг танһчиг Алексей Орлов һардсмн. Давсн жилин октябрин чилгчәр Әрәсән президент Дмитрий Медведев Әрәсән экономикин, социальн халхин, номин, сойлын болн эрдм-сурһулин халхсиг шинрүлһнә төлә цуг йосна әнгсд шин даалһвр тәвсмн. Танһчин толһачин үүлд шинкн орсн Алексей Орловд эн даалһвр көдлмштнь һол зөрүлт болв. Хальмгин экономикин делгрлтин төлә танһчин толһач күцәх тодрха даалһвр эврәннь командын гешүдт өгв. Энүнә төлә хойр минһн арвн тавдгч жил күртл Хальмг танһчин социальн-экономическ делгрлтин программ белдж батлгдв. Энүнә һол күцлнь — улсин бәәдл-жирһлин кемжә ясрулһн болжана. Агропромышленн комплексин делгрлтин программ күцәгджәнә, улсиг көдлмшәр тетклһнд ик оньг өггджәнә, баһ болн дунд бизнес делгрүлһнд онц оньг тусхагджана, эрүл-мендин болн эрдм-сурһулин халхс шинрүлгдхмн.
