Давсн долан хонгт хаалһд арвн хойр зеткртә йовдл учрв

Давсн долан хонгт танһчин хаалһст арвн хойр зеткртә йовдл учрв. Энүнә ашт хойр күн әмнәсн хаһцв, арвн долан күн шавтв. Мартын арвн тавнд Лагань — Комсомольский хоорндк хаалһд жолач машина залвран гееһәд, машиһан нүкнд көмрүлв. Энүнә ашт машинд йовсн пассажир авсн шавас көлтә дор ормдан өнгрв, машина жолач Лаганск района цутхлнг больницд орулгдв. Энүнә өмн мартын арвн хойрла Яшкуль-Комсомолький хаалһд Грозный балһсна бәәрн күн һазадын орна маши залж йовад, зөрүд йовсн машина хаалһд һарад, талдан машинла цоклдв. Һазадын орна машина жолач болн пассажир дор ормдан өнгрв. Зеткртә йовдлла харһсн талдан улс Хар һазра района цутхлнг больницд орулгдв. Давсн долан хонгт госавтоинспекцин көдләчнр соктуһар маши залж йовсн тәвн йисн кү бәрж авв.