Сөөднь электрогерл унтраһад, әмнд әәмшг учражана

Элст балһснд сө арвн хойр часла тас харнһу таг болж одна. Урднь электрогерл һаза энүнәс эрт унтрадг бәәсмн. Элст балһсна электрокүч әрвлһнә кемжән цөн жил хооран орулгдв. Хотл балһсна улсин болн жолачнрин келсәр, эннь ик боомтг учражана. Статистикин то-дигәр харнһу кемд зеткртә йовдл учрна, хулха һарна.

Элст балһсна бәәрн күүкд күн Вера Куберлинован көдлжәх хулд-гүүлгәнә киоск хотл балһсна цутхлнгд бәәнә. Тер бийнь сөөднь электрогерл унтрахла әәмшгтә болна гиж эн келнә. Тер мет энүнә бәәршлжәх Кировин нертә уульнцд сөөднь элеткрокүч хач-хач өгнә.

Вера Куберлинован келсәр, иим нег зеткртә йодвл учрв. Киоскин терз хамхлхар седж. Харнһу болад кен зогсжахнь хәләж чадсн уга.

Сөөднь эрт электрогерлд унтрадг йовдл элст балһсна бәәрн үлсиг үүмүлжәнә, тер мет бачм чинртә медицинск дөн күргдг, аварийн церлти таксиситнриг икәр үүмлжәнә. Эднд харнһу сө йовхд күнд болна. Нег үлү, хотл балһсна захд әмтн бәәдг микрорайодт сөөднь йовж болхш. Энд сөөднь электрокүчн тас өггджәхш. Таксист Александр Тангитовин келсәр, өцклдүр энд герл унтрав. Тиигх хаалһд зеткртә йовдл учрв. Күүкиг машин дәврж. Харһну болад жолач энүг үзж уга.

Бюджетн мөнгн ховр болад, сөөднь Элстин уульнцд электрокүч өглһн дегд үнтә болжана гиж хотл балһсна администрацин элчнр гөрдж һарна. Негдсн заказчикин дирекцин церглтин ахлач Степан Расстрига келсәр, электкрокүч әрвлһнә керг-үүлдврмүд эн предприять күцәж чаджахш. Ода уульнцин панрт ртутн лампочксиг натриевин лампочкд сольжана. Иим лампочкс үнтә болв чигн, удан көдлнә болн сәәнәр герлтнә. Ода иим күсдундур минһн лампочк углж тәвгдв. Талдан лампочкс сөөднь олзлж болжахш.

Элст балһсна ДЭЗ-ин церглтин ахлач Степан Рсстрига келсәр, иим лампочкс олзлхд әрвн болна. Эдн хйор холванд ик герл өгнә. Тер мет хойр холванд удан шатна. Тегәд әрвлсн мөнгәр талдан лампочкс хулдж авх арһ бәәнә.

Тер саамд сөөднь арвн хойр часла электрогерл унтрадг йовдл, оперативн бәәдлд му нилчән күргжәнә. Харнһу цагт хаалһд зеткртә йодвл олар учрна, хулха болн кү алдг йовдлмудын то зөвәр өснә. Полицин көдләчнрин келсәр, давсн жилд Яшкуль селәнд уульнцд электрокүч орулхиг некж күцәв. Иим көдлмш эн жил троицкое селәнд болн хотл балһсна ордг хаалһин районд күцәх зура бәәнә. Уульнцд электрокүч өглһнә кемжән бәәнә. Иим кемжәһәр ямаран уульнцд, талвнгд болн әмтн йовдг хаалһд ямаран герл өгхин туск кемжән тогтагдв. Ода Элст балһснд цутхлнг уульнцс Ленина болн клыковин нертә уульнцд электрокүчн оггджәхш. Энд олн машид өдр-сө уга йовна.

Хальмг танһчин МВД-н хаалһин инспекцин әнгин ахлач Санл Лиджиевин келсәр, хотл балһсна администрац мөнгн уга гиһәд, электрокүч сөөднь өгчәхш. Зуг иим мөнгиг девснг девснгәр олзлх кергтә. Жил болһн уульнцд герл өгхин төлә һурвн днудур сай арслнг кергтә болна. Эннь зуг цутхлнг уульнцд өгдг герл болжана.

Диспетчер Баир Бавуров сө болһн хотл балһсна уульнцд электрогерл өгдг күн. Эн көдлмшиг һарарн күцәнә. Энүнә көдлмшин ширәд шишлнг график бәәнә. Энүнд кезә электрогерл өгх болн унтрах болг бичәтә. Зәрмдән һаза тогтсн тенгрин бәәдл хәләж герл өгнәв гиж Баир келнә. Кергтә болхла эрт электрокүч өгнә. лайф Энүнә келсәр, зузын кемд ора харнһурна. Тегә нәәмн часла герл өгнәвидн, хөөннь йисн часл гер өгдг саам учрна.

Ода хотл балһсна һардачнр әрвлсн мөнгән тоолжасн кемд, эгл улс болхла эврәннь әәмшг уга бәәлһнә тускар үүмжәнә. Нег үлү, мартын тавнас авн электрогерл өрн эрт өгдгән бас уурв.

Ээнән Ольга, Хулхачин Николай