Баһ Дөрвдә районд бичкдүдин садмудт чеерүд уга
Баһ Дөрвд селәнә зун дөчн көвүн-күүкн сентябрин нег шинд шинрүлгдсн бичкдүдин садт орх. Эн цаг күртл садын гер күцц шинрүлгдж ясгдхмн. Энд капитальн ясвр давсн жилин декабрь сард эклсн билә. Баһ Дөрвд селәнд һурвдгч дошкольн учреждень көдлхлә, бичкдүдин садмудт чеерүд уга кегдх.
Сонечка күүкн ода зуг һурвн наста. Садикт одх дурн бәәну аль угай гисн сурврт бичкн күүкн эмәһәд ода чигн бичкн настав гиж келнә. Энүнә ээж Галина болхла зе күүкн бичкдүдин садт сентябрин нег шинд орхд ик байрта бәәнә.
Соня күүкнә ээж Галина Затонская келсәр, бичкдүдин сад секхнь йир сән керг, ик байрта бәәнә. Намрар зе күүкн садт орх.
Районд һурвдгч дошкольн учреждень секснә хөөн садт орх бичкдүдин чеерүд уга кегдх. Сентябрин нег шинәс авн шинрүлгдсн бичкдүдин садт хойр настаһас авн зурһан нас күртл зун дөчн көвүн-күүкн орх. Давсн жилин декабрь сарас авн энүнд капитальн ясвр кегджәнә. Эн цагин эргцд герин ора сольгдв, сантехник шинрүлгдв, дула өглһнә автономн систем углж тәвгдв. Эндр өдрт шин трез үглж тәвгджәнә, шалдарин көдлмш кегджәнә, садын эргндк аһуһас хог-бог зөөж һарһгджана.
Баһ Дөрвдә РМО-н админи страцин эрдм-сурһулин әнгин ахлач Елена Бембееван келсәр, шинрүлгдсн сад секснә хөөн чеерүд уга кегдх. Урднь хойр зун көвүн-күүкн чеерүдт зогсжала. Ода зуг нилх бичкдүд гертән үлдх.
Баһ Дөрвдә РМО-н администрацин толһачин цәәлһсәр, эннүд урднь бичкдүдин эрдм-сурһулин учреждень бәәсмн. Зуг йирдгч жилмүдт энүг хаах кергтә болв. Энүнә хөөн герин зәрм әнгинь искусствин школд өгсмн. Районд дошкольн учрежденьст чеерүд тогтснас көлтә бичкдүдин садын гериг шинрүлж ясх шиидвр авгдв. Энүнә төлә мөнгн танһчин болн района бюджетмудас йилһж өггдв.
Баһ Дөрвдә РМО-н администрацин толһач Геннадий Золочевский келсәр, капитальн ясвр кехин төлә арвн негн сай арслнг йилһж өггдв. Цугинь шинрүлж сольв, шин электрооборудовань углж тәвгдв, дула өглһнә систем шинрүлгдв.
Капитальн ясвр кесн цагт көдлмшч орм һарв. Өөдән мергжлттә жирн спцеиалист ода көдлмштә болв. Келхд, дошкольн учрежденя һардач Светлана Перекрестова эн халхар хөрн жилдән көдлжәнә. Тер цагт эн бичкдүдин садт экләд көдлсмн. Ода капитальн ясврин көдлмш һарджана.
Баһ Дөврд селәнә Байр нертә бичкдүдинс адын һардач Светлана Перекрестован келсәр, бичкддүин садын герин ора сольгдв, дула өглһнә шин систем көдлх, шин сантехник тәвгдв. Ода садын эргндк аһу кеерүлж сәәхрүлгджәнә. Ода шин терз тәвжәнә, хог-бог зөөж һарһжана.
Ода шинрүлгдсн дошкольн учрежденьд һар-көлән уһах сантехник углж тәвгдв, бийән уһадг хора бәәнә. Ясврин көдлмш төгсхәл, нааран шин мебель болн наадһас авч ирх. Района бичкдүд у-сарул садт сергмжтәһәр амрад, дурта наадһасар наадад, әәмгн угаһар бәәхмн.
Елена Алексенко, Хавтхна Анатолий
