“Автоледи 2012” нертә жил болһн бүрдәгддг дөрлдән болв

Мартын 8 “Автоледи 2012” нертә жил болһн бүрдәгддг дөрлдән болв. Энүнд урдк жилмүдәс хамгин олн күүкд улс орлцв. Күүкд күн яһж маши залдган жюрид болн олар цуглсрн улст үзүлв.

Жил болһн тогтсн авьясар күүкд улсин байрин өдрин өмн өргнд «Автоледи» гидг марһан давулгдна. Ирина Емельяненко ут тоодан нәәмн жилдән маши зална. hарһсн һурвн үрән бичкдүдин садт болн школд йовулхд йовһар йир күнд болад эн учрар маши залхар йовб. Эн өдр дамшлта маши залач болв. Зурһан жил дарандан эн марһанд орлцна. Эндр өдр күүкд улс залу улсла әдл маши зална. Жил болһн эн керг үүлдврт маши залсн күүкд олн зүсн даалһвр күцәх зөвтә. Йилһән сәәнәр даалһвран күцәсн күүкн диилвр бәрнә.

Кровоа организацин ахлачин дарук Алексей Ванькаевин келсәр жил болһн иим давулгдг керг үүлдврмүд мана күүкд улсин дамшт өөдлүлнә. Эдн хаалһин зокал сәәнәр медсн деерән олн жилдән маши залсн залу улсла әдл болна, жил ирвәс маши залхар седсн күүкд улсин то өсәд.

hаза киитн болв чигн марһанд орлцсн күүкд бийән сән таласн үзүлв. Хаалһин зокалыг сәәнәр меддгнь болн яһж чик кевәр маши залх кергтәһинь үзүлв.

Күүкд улс хаалһд бийән сәәнәр бәрнә, эдн оньган өгч йовна гиж Василий Кекеев келв. Марһана ашар күүкд улс диилвр бәрәд үнтә белгүдәр ачлгдв.

Дмитрин Татьяна, Очра Сергей