16 тойгта бичкдүдин садт хальмг ишкә гер углж тәвгдв

Шидр Элст балһсна 16 тойгта бичкдүдин садын уул деер хальмг улсин ишкә гер углж тәвгдв. Эн байрта керг үүлдврт балһсна мәрийн көдләчнр, шажна элчнр, бичкдүин эк-эцкнр орлцв. Эн харһлт иньглтин, хәрлцәнә, ни негн бәәлһнә керг үүлдврәр бурдәгдв. Эн ик чинртә байрта керг үүлдврт орлцхар олн улс ирв, Элст балһсна мәрийн көдләчнр, шажна үүлдәчнр, бичкдүин эк-эцкнр орлцв. Хамгин түрүнд ирсн улст 16 тойгта бичкдүдин садын сурһмжлачнр хальмг авьясар хадг бәрүлж өгв, эн садын һардач һардач Эрднин Гилән болхла халун йөрәлән тәвб.

Бичкдүдин садт хальмг ишкә гер тәвлһнд олн улс дөнгән күргв. Садт оржах көвүд күүкдин эк эцкнр өвкнриннь салата мод болн Урдк жилмүдт мана ээж аавнр бәәснь ишгә гер дотркнь садын сурһмжлачнр кеж һарһв. Иирсн гиичнрт ик гидгәр таасгдв.

Шовун живрәрн күчтә, Күн иньглтәрн күчтә —гиж хальмг үлгүрт келгднә. Эндр өдр эн бичкдүдин садт һанцхн хальмг биш нань чигн келн улсин күүкд орна. Тегәд олн келн улсин хәрлцә батрулхин төлә, бичкдүдт эн халхар сурһмж өгжәх күслтәһәр эн керг үүлдвр давб. Бичкдүд эн өдр талдан келн улсин ду дуулв, би чигн биилв.

Бичкдүдин тәвсн концерт олн улст таасгдв, ирсн гиичнр альхан ташад байрлв. Эк эцкнриннь нерн деерәс олн әмтнд тусхаж эврәннь билг эрдмән Бухан Баатр үзүлв.

Концертын хөөн шажна үүлдәчнр бичкдүдин садт кесг белгүд бәрүлж өгв, ханлтан өргж цаһан хаалһ Дурдв. Олн келн улс хоорндан ни негн бәәхлә мана жирһл сәәхн болх. Иим керг үүлдврәр дамжулад багшнр болн сурһмжлачнр бичкдүдт сойлын урн үгин бурхн шажна олн зүсн тоот медүлжәнә. Тиигәд эн бичкдүд олн зүсн авьяс заншал билг эрдм меддг улс болж өсх.

Аджин Светлана, Очра Сергей