5 марта, 13:18
 9 °C
88,94
73,79
  • ВЕСТИ
Анонс
  • Вести «Калмыкия»: смотрите ежедневно на телеканале «Россия 1»
  • Главные новости Калмыкии в еженедельном выпуске «Местное время. Воскресенье»
  • Слушайте Радио России — 102,7 FM

Араш Абушинов Әрәсән спартакиадт диилвр бәрв

Хальмг танһчин олимпийск ицл. Элст балһсна боксин школыфн сурһульч пенза балһснд болсн сурһульчнрин цугәрәсән спартакиадт орлцад, алтн медаль шүүж авв. Хамгин гиигн дөнч нәәмн килограммин чиннүрт Араш Абушинов турнирин дииләч болв. Специалистнр иим марһан Әрәсән чемпионат гиж нерәднә.

Элст балһснд боксин эврәннь школд Араш Абушиновиг дииләчиг тосдг авьясар тосж авчана. Эн көвүн ик чинртә марһанд диилвр бәрв. Пенза балһснд болсн сурһульчнрин цугәрәсән спартакиадт негдгч орм эзлв. Чемпиониг йөрәһәд, эн спортсмен тренермудын дааһлвриг күцәж чадв гиж ах тренер Хонһр Брюгидиков темдглв. Энүнә диилвр школын коллектив дик урмд өгхмн. Энүнә келсәр, спартакиадын медаль олимпийск медальлла әдл болжана. Иргчдән алтн медаль шүүж авх гисн ицл бәәнә.

Танһчин боксин федерацин ниицәнә һардач Церн Бельтриков Әрәсән марһана дииләчиг йөрәһәд, Араш Абушиновд спортивн хувц белглв. Бельтриковин келсәр, нарта-делкән марһанд орлцх арһ бәәнә. Тегәд ик байрта бәәнә. Хальмгуд, уралан.

Пенза балһснд дииләчин һарин атхад түрүн болж йөрәсн улс дунд Бельтриков билә. Араш товчлгч марһанд ноолдх зөв авв гисн зәнг сонсчкад Церн Бельтриков Пенза балһснд һарч йовв.

Хальмгин боксин федерацин ниицәнә һардач Церн Бельтриковин келсәр, Араш сән бокс үзүлв. талдан регионмуд мана танһчиг дөннв. Церн Балзановин школ нерән туурулв. Нертә тренерин тәвсн ул ода ирж медгджәнә. Танһчин цуг боксермудт ик ханлт өргжәнә. Тер тоод школын директорт.

Тренер Олег Кеквеевин келсәр, Пенза балһснд болсн спартикиадт эдн эрк биш диилвр бәрхә күцл тәвж йовсмн. Энүнә өмн эдн Дагестанд алтн медаль шүүж авсмн. Эннь бас ик урмд өгв. Дагестанд Б классин цугәрәсән турнир болсн билә. Дөчн нәәмн килограмин чиннүрт Арашла дөрлддг күн һарсн уга. Пенза балһснд болсн спартакиадт болхла ноолдан йир зүткәтә болв. Федеральн округсдан нертә боксермудла Араш ноолдх саам учрв. Тер бийнь эднәс әәлго, зөрмг кеәвр ноолдад, диилвр бәрв. Күн болһнла эрк биш диилвр бәрхәр ноолдсмн.

Тренер Олег Кеквеевин келсәр, полуфиналд Араш Новосибирск балһсна элчлә ноолвд. Цуг марһана йовудт эн ноолдан хамгин күнд болн зүткәтә болв. Түрүн раундын хөөн Араш шүүгдв. Хойрдгч раундт ноолдана йовудыг соляд, хәм төгсәв. Сүл раундт цуг арһ-чидлән агсад Араш диилвр бәрж чадв.

Рингд Арашиг мангустла дүнцүлнә. Специалистнрин келсәр, ямаран үүлдвр цааранднь Араш күцәхнь медгдхш. Геткн чөчәһәд цоккдг авьяс бичкн цагасн авн дасж авч.

Пенза балһснд диилвр бәрсн йовдл Аршат болн энүнә элгн-саднд ик байр үүдәв. Бакур Абушиновин келсәр, Париж балһснд вовинам вьет во дао эв-арһар болсн нарта-делкән чемпионатд орлцсн кемд эврәннь дү көвүнә тускар бийәсн икәр зовж. Аштнь эн хойр көвүн Элст балһснд диилвр бәрәд ирв. Бакур нарта-делкән чемпиона нер зүүв, Араш болхла Әрәсән марһана дииләч болв.

Нарта делкән чемпион Бакур Абушиновин келсәр, эврәннь дү көвүнә диилврт икәр байрлжана. Хальмг танһчин нер туурулв. Эннь ик бахмж болжана.

Спартакиадын диилчә Араш Абушиновин келсәр, хамгин күнд ноолдан полуфиналд болв. Чидлтә болн дамшлтта боксерла ноолдв. Аштнь һурвдгч раундт диилвр бәрв.

Пенза балһснд диилвр бәрсн хөөн Араш Абушиновд шин күцл тәвгджәнә. Энүг Чехов балһснд болх белдврин сурһульд дуудв. Тенд боксермуд эн жилин намрар болх Европин болн нарта-делкән чемпионатд белдвр кехмн. Тренер Олег Кеквеевин келсәр, иим үрвр Әрәсән хамцу командын ах тренер Виктор Волковас ирв.

Чучян Валентина, Котина Валерий

 Следите за новостями в Instagram!
Вперёд
Социальная сфера

Политика

Образование

Культура

Спорт
Здравоохранение
Экономика
Происшествия