90-ин жилин өөнән ачта багш Эрeнджен Мутляев темглв
Йирн жилин өөнән Цаһан нуурин багш Эрнджен Хазыкович Мутляев темглв. Эн ончта өөнләнь эврәннь багшан йөрәхәр олн сурһульчнр болн багшнр ирв. Дәәнә болн күч — көлснә ветеран ода ачта амрллһндан бәәнә гертәсн холд йовхш.
Эренджен Хазыковч нәәмн настадан Цаган нуурин шкоолд Лижин Худук нертә һазрас эврәннь нәәжтәһән ирж орсмн. Дөрвн класс чиләсн хөөн эдниг Баһ Дөрвдә шкоолур цаараннь сурһулян дасх гиж илгәсмн. Тиигт бидн биш маднла сурдг оос көвүд, орс кел меддг уга билә, тиигәд бидн мел өгсн даалһвриг чеежәр дасдг биләвидн гиж бичкн цаган тодлна. 18-тәдән баахн көвүн цергт мордна, 41-гч жил тендәс дәәнд тусна. Зуг дәәнә хаалһ энүг немшин бәрәнд болн хөөннь норвегьд бәәх концентрационн лагерьт авч ирнә. Хөөннь НКВД-ин лагерьт сууһад, һарснаннь хөөн эврәннь өрк-бүлтәһән төрскн һазрурн ирәд Сарпуль балһсна туужин сурһуль оч сурв. Хөөнь сурһулән чиләснә хөөн селәндән туужин багшар көдлв. Йирн жилин өөнләннь ачта ветераныг сурһульчнь йөрәхәр ирв.
Эренджен Хазыковин бийән хөвтәд тоолна, эндр өдр дала нас зүүһәд ачнр жижнрән үзжәнә-эннь үнтә зөөр гиж маднд медә келв. Нүднь муурсн бийнь Хальмг Танһчин ачта багш күч көлснә болн дәәнә ветеран ода чигн олна жирһлин гүрдүд йовна, насндан диилдго чанһ цогцта сарул чеежта болн хурц ухата багшурн әмтн тер кевтән адһад ирж йовснь үзгднә.
Жирһл уралан йовж йовна үйнрин залһлдан болхла тоомсрта эн күүнә дөнгәр мел батрад йовна
Нимгрә Валентина, Николай Хулхачиев
