Зарһчнр көдлмшин аш диглв

Хальмг танһчин зарһчнр эн жилин зурһан сарин көдлмшин аш диглв. Сүүрт темдглсәр, зарһд хәләгдсн кергүдин то өсв. Зарһин систем шинрүлһнә седвәр мана танһчин улс дөннжәнә. Зарһд олн улс иткл өсв. Хальмг танһчин Деед Зарһин ахлачин үүл дав зуур даажах Иван Басанговин келсәр, зарһин батлж авсн шиидврин чинрнь жил ирвәс өсәд йовна. Хамгин түрүнд райодын зарһин көдлмш ясрв. Коррупцин халхар хөрн күн зарһин засгла харһулгдв, тер тоод арвн зурһан күн авлһ авад зарһд орв. Тедн дунд государственн болн муниципальн көдләчнр бәәнә. Танһчин зарһин хәләгдсн цуг кергүд темдглсн болзгт хәләгдж, шиидвр авгдв. Энүнд шин эв-арһ олзлснь сән нилчән күргв. Зарһд орх улст мобильн телефоһар смс зәнг йовулгдна.