Яшкульск района һардачнрла Алексей Орлов харһлт кев

Танһчин толһач Алексей Орлов Яшкульск района һардачнрла харһлт кев. Энүнд усар, газар тетклһнә, эрдм-сурһюулин учрежденьст ясврин көдлмш келһнә болн талдан чигн төрмүд босхгдв. Ода районд зуг һурвн селәнд газ уга. Эн жил кимд түлән Хар толһа поселкд ирх, хойр минһн арвн зурһадгч жил күртл Хулхт болн Молодежный селәдт газ күрх. Яшкульск райна хаалһин заллтин көдләчнриг талдан нег төр үүмүлжәнә. Эдниг танһчин ведомствла негдүлх зура бәәнә. Алексйе Орловин келсәр, иим негдлт кегдшго, тегәд үүмх керг уга. Чилгр селәнә дундын школын көдләчнр танһчин толһачд дөн күргснд ханлтан өргв. Сурһулин шин жилд школд шин пластикин терз углж тәвгдв.