17 сентября 2013, 15:18
Университетин оютнр гертәсн һарлго спортар көдлж чадх
Эндр өдрәс авн Хальмгин государственн университетин оютнр физическ культурар болн спортар өдр болһн көдлж чаджана. Эдн обшежитяс һарлго спортар көдлж чадх. Оютнрин балһсна нег корпуст өдгәц агин некврлә ирлцәтә тренажермуд углж тәвгдв. Ректор Бадм Салаевин келсәр, оютнрин спортивн зал секлһн деед сурһульд күцәгджәх арвн социальн программин негнь болжана. Иим программар “Обшежитие как второй дом”, “Студбокс”, “Сделай мир ярче” болн талдан чигн төсв күцәгдх. Иим зал секх севдәр оютнр орулж өгч. Энүг деед сурһулин һардвр дөннв. Хальмгин университетд сурчах көвүд-күүкд сурһульдан сән күцәмж бәрсн деерән, спортын халхар бас сән үзмж бәрнә.
