“Теегин айс” марһан болжана

Мана телекомпань Элстин мэрийла хамдан “Теегин айс” нертә хальмг дууна һурвдгч телевизионн фестиваль давулжана. Энүнд хотл балһсна цуг школмуд гилтә орлцжана. “Калмыкия” ГТРК марһана түрүн программ бичж авчана. Энүг хәләһәчнр мартын эклцәр хәләж чадх.

“Теегин айс” нертә хальмг дууна бичкдүдин телевизионн һурвдгч марһан эклв. Бичкдүдин үүдәлтин бәәшнгд дарани программ бичгдж авгджана. Жюрин ахла болж һурвн жил дарандан композитор Аркадий Манджиев көдлжәнә. Эдн уйн наста артистнрин билг-эрдмиг үнлж, товлгч марһанд орлцх бичкдүдиг шүүж авчана. Эднә нерд түрүн девснгин сүл эфирт программд медгдх.

Элстин хойрдгч школын сурһульч Кнарик Саргсян марһанд композитор Аркадий Манджиевин болн шүлгч Вера Шуграеван үүдәсн “Тачал” ду дуулж өгв. Марһна йовудт уйн наста дууч дууна зокьялчнрла, жюрин гешүдлә харһад күүндв. Эннь күүкнд ончта йовдл болв.

Кнарик Саргсян дуулсн дун зокьялчнрт таасгдв. Дууна үгмүдиг уйн наста дууч чикәр дуулж, учр-утхинь сәәнәр медүлв. Жюрин гешүдин темдглсәр, эн жил бчикн наста дуучнр дунд соньн билгтнр дала. Теднә тоод дөрвдгч школын сурһульч Раяна Сусарова. Эн күүкн “Кюргн” нертә ду дуулж өгв.

“Теегин айс” нертә марһан гүргүдән орчкв. Телехәләһәчнр марһана программиг Хальмгин телевиденя эфирт март сард хәләж чадх. Тиигхлә телехәләһәчнр интернетар дамужлад дууһан өгч чадх. Энүнә ашар хәләһәчнрин хамгин дурта артистын нерн заагдад, энүнд мөрә бүәрлж өггдв. Ода болхла хәләһәчнр болн артистнриг дөннжәх багмуд шунмһа кевәр дурта билгтнрән дөннжәнә.

Харлун Бадма, Очра Сергей