Танһчин МВД-н коллегин өргн сүүр эндр болв
Танһчин МВД-н коллегин өргн сүүр эндр Элст балһснд болв. Давсн жилд ик әәмшгтә кевәр зака эвдсн йовдлмудын то мана танһчд баһрв. Энүнд полицин көдләчнрин тәвц бәәнә. Нидн жилин ашин туск докладт министр Баатр Гиндеев хаһлх төрмүдт болн полицин өмн тәвгджәх күцлин туск төрмүдт онц оньг тусхав. Экономикин халхар зака эвдсн йовдлмудын то арвн хойр процентд өсв. Энүнә туск кергүд зарһд йовулгдв. Авлһ авсн ул илткгдв, ик цол даажах көдләч зун найн минһн арслнг авлһ авхар седсн бәәж. Танһчин хаалһст бәәдл муурв, зеткртә йовдлмудын то дөчн процентд икдв. Эн жилин эклцәр Көтчнрә районд хойр кү алсна тускар министр келв. Эн жил полицин көдләчнрин даавр чанһагдх, көдләчнрин церглтин диг-даран батрулгдхмн. Давсн жилд мана танһчд олна болн политическ ик чинртә йовдлмуд болв. Әрәсән Президентин сунһврин кемд полицин көдләчнр ик көдлмш күцәв гиж танһчин толһач Алексей Орлов темдглв. Эднд ик ханлт өрггдв. МВД-н көдләчнр улсин зөв харсж, төвкнүн бәәдл-жирһл теткх зөвтә гиж Орлов келв.
