Танһчин хаалһст тавн зеткртә йовдл учрв

Давсн долан хонгт танһчин хаалһст тавн зеткртә йодвл учрв. Энүнә ашт тавн күн олн-зүсн шав авв. Элст балһсна Сухэ-Баатрин нертә уульнцд гиигшн Жигули машин һазадын орна машинла цоклдв. Ленина нертә уульнцд учрсн зеткртә йовдлын ашт күүкд күн күндәр шавтв. Волгоград — Элст хоорндк хаалһд Дагестана бәәрн күн автомашина залвран гееһәд, йовһн кү дәврж. Энүнә ашт хаалһ керчж йовсн Көтчнр селәнә бәәрн күүкд күн района цутхлнг больницд орулгдв. Яшкульск райцонд насни дигт күрәд уга улан Эрг селәнә бәәрн күн темдглж бичсн тойг угаһар мотоциклар йовж йовад, көмрв. Арвн тавн наста көвүн района цутхлнгд больницд орулгдв. Тер мет давсн долан хонгт госавтоинспекцин көдләчнр соктуһар маши залж йовсн далн кү бәрж авад, маши залдг зөвинь авв.