1 февраля 2013, 17:51
Сурһульчнриг учебникүдәр государств теткх
Эндр танһчин эрдм-сурһулин, сойлын болн номин министерствин медлд үүлджәх олна хүүвин түрүн сүүр болв. Энүнд мана танһчин өдгә цагин хамгин хурц төрәр хальмгин сурһульчнриг учебникүдәр тетклһнә төрәр күүндвр кегдв. Ода цуг дегтрмүдиг эк-эцкнр эврәннь мөнгәр хулдж авчана. Ах классмудын сурһульчнрт учебникүд хулдж авхла тавн минһн арлснг кергтә. Эрдм-сурһулин министр Лариса Васильеван келсәр, эн жил танһчин эрдм-сурһулин министерств эн төриг хаһлх зурата. Тиигхлә эклц болн ах классмудын цуг сурһульчнр дегтрмүдәр теткгдх. Ах классмудын көвүд-күүкд электронн дегтрмүд өггдх. Тер мет арвдгч болн арвн негдгч классмудын сурһульчнр цуг кергтә оборудованьта болх, тер тоод планшетникүдәр эдн теткгдх. Энүг государств хулдж өгхмн.