Сунһврин өмн агитац кех эфирн цаг хувагдв
Эндр мана телерадиокомпаньд сунһлһна өмн агитац кех политическ партьсин танһчин әнгст мөнг өгәд эфирн цаг хувалһна тускар жирв хайгдв. Сунһврин өмн күүндврт цугәрәсән политическ партьсин нәәмн региональн әнг орлцхан медүлв. Эннь “Единая Россия”, коммунистнр, Либеральн-демократическ парть, “Гражданск платформ”, “Патриоты России”, партия “Правое дело”, партия “За справедливость” болн “Справедливая Россия” парть. Жирв хайлһн өнгәр эфирн цаг өглһнлә әдл таалар болв. Эфирн цаг цуг партьсин дунд әдләр хувагдж өггдв. Агитацин материалмуд хойр телеканалар “Россия 1” болн “Россия 24” каналд өггдх, “Радио России” бас өггдх. Жирв хайлһнд орлцсн партьсин элчнр конверт шүүж авв. Энүнд агитац кехин туск болзг болг цаг бичәтә. Жирв халһна йовудт хуваж өгсн мөнг өгәд эфирн цаг олзлх барт барлгдх.
