“Россия 10” марһан цаарандан болжана

Эндр “Россия 10” марһана сайтд дууһан өглһн дәкнәс эклв. Дәкәд нег тодлад келхлә, хальмгин цутхлнг хурл “Бурхн Багшин алтн сүм” Әрәсән сойлын, туужин болн архитектурин шин темдг болхин төлә дөрлджәх һучн бумбин тоод орсмн. Техническ халхар эвдрлт болснас көлтә марһана йосна сайт дав зуур көдлсн уга. Тегәд марһана товчлгч деснг октябрин зурһан күртл болх. Дууһан өглһнә зокал дәкнәс сольгдв. Сайтд дууһан өглһнә диг-даран тер кеәвр үлдв, зуг мобильн телефонас смс зәнг йовулһна туст чанж кемжән орулгдв. Ода нег телефона тойгас товчлгч девснгин цуг болзгт зуг нег дәкж СМС-зәнг йовулж болх. Хальмгин цутхлнг хурлын тойгнь — 71. “Бурхн Багшин Алтн сүмин” төлә дууһан өгтн гиж дуудвр кежәнәвидн.