Православн шажнд шүттг улс әүрн шүтәнд мөргж чадх
Скопинск болн Шацк епархин Свято-Успенск Вышенск чонжас әрүн Богородицин Чудотворн Казанск Вышенск шүтә болн Феофан затворникин әрүн цогцин үлдлтә ковчег Хальмг танһчд авч ирх. Элстин болн Хальмгин епископ Зиновийн евәләр, әрүн шүтәг танһчин райодын цутхлнг селәдт күргхмн. Әрүн шүтә болн әрүн Феофана цогциг Казанск кафедральн чонжд ноябрин һурвнд өрүн арвн часла байрин бәәдлд тосж авх.
Дигтә арвн тавн жил хооран Элст балһснд тосхгдсн Казанск кафедральн чонж әрүслгдж, Бурхан экин Казанск шүтәнд нерәдж секгдв. Казань балһснд дөрвн зун жил хооран авгдсн шүтән ода күртл ик чинртә әрүн шүтән болжана. Православн Әрәсәг негдүлһнд болн босхмжд шүтән ик чинр зүүлә. Казанск кафедральн чонжин престольн байр тогтсн авьясар байрин ки мөргүләр эклнә. Эн жил православн әмтнд хойр дам байр болх. Эн саамд эдн Свято Успенск Вышенск чонжас авч ирсн Казанск Бурхна экин әрүн шүтәнд зальврж мөргж чадхмн.
Тер мет Москван болн цугәрәсән патриарх Кириллын еәвләр Элст балһснд дәкәд нег әүрн шүтә Феофан Затворникин цогцин үлдл авч ирхмн. Отец Алексийн келсәр, шажнд сүзглдг улст эннь ик чинртә болн әрүн керг болх. Бурхан экин Вышенск шүтән Казанск шүтәнлә әдл чинртә. Феофан Затворник арвн йисдгч зун жилмүдин оюнин бичәчнрин хамгин билгтә үүлдәчнрин негнь. Әрүн күн бийннь хөөн ик үнтә зөөр үлдәв. Эн күн зурһан зун оюни үүдәвр бичж мөнк зөөр болж үлдәсмн. Энүг нурһлж Вышенск обительд даянд сууһад бичсн бәәж.
Элстин болн Хальмгин епископ Зиновийн евәләр әүрн шүтәг танһчин райодын цутхлнг селәдт күргж үзүлх. Казанск кафедральн чонжд болхла әрүн шүтәг болн Феофана әрүн цогциг ноябрин һурвнд байрин бәәдлд тосж авхмн.
Чучян Валентина, Хулхачин Николай
