Правительствин президиумин сүүр болв
Эндр танһчин правительствин президиумин дарани сүүр болв. Сүүриг премьер-министр Игорь Зотов һардв. Энүнд һол доклад болж эн жил мана танһчд государственн программ күцәлһнә туст күцәгч йосна органмудын дааврин болн көдлмшин зуран тускар күүндвр кегдв. Предприятин һардачнр государственн программ күцәлһнә төлә күцәгджәх керг-үүлдврмүдин тускар тооца кев. Эн халхар социальн төрмүдт онц оньг тусхагдв. Танһчин социальн делгрлтин министерствин темдглсәр, хамгин баһ бәәдл-жирһлин кемжәтә өрк-бүлмүдин то баһржана, соцальн халхар үүлджәх некоммерческ организацсин то өсв, көдлмш олж авсн улсин то икдв. Хальмг танһчин эрдм-сурһулин министерствин зәнглсәр, хойр минһн арвн дөрвдгч жилд танһчин арвн дөрвн районас арвн негн районд бичкдүдин садт орх чеерүд уга кегдх. Давсн жилин ашар дошкольн учрежедньд немр хойр дундур минһн немр орм секгдв.
