Петр Жемчуевин бумб эндр Элст балһснд секгдв

Эндр Элст балһснд дәәнә болн күч-көлснә ветеран, РСФСР-ин ачта эмч Петр Жемчуевин бумб байрин бәәдлд секгдв. Эврәннь эрдмин даалһвран сәәнәр күцәсн күүнә санл тевчж, энүг күндлснә темдг болжана. Петр Жемчуев хальмг танһчин эрүл-менд харлһна систем делгрүлһнә төлә чидлән нөөлго көдләд, ик тәвцән орулсн күн. Эмч-хирургин эрдм шүүж авсн улс энүг эврәннь Багш гиж тоолжана. Эднә келсәр, хамдан көдлжәх улст болн гемтә әмтнд ик оньган өгдг эмч бәәсмн. Һольшг зангта болн цаһан седклтә эмчиг олн улс күндлж, санлынь тодлна. Бумб секлһнә байрт Жемчуевин үрдүднь, ачнр-зеенрнь, жиж-зеенчнрнь орлцв. Эднә зәрмнь аавиннь хаалһ шүүж авч. Танһчин больницин коллективд болн танһчин һардачнр элгн-садн ик ханлтан өргжәнә.