Пенсин кемжән февралин нег шинәс авн өсх

Февралин нег шинәс авн күч-көлснә пенсин даатхлһна әнг долан шаху процентд икдх. Күч-көлснә болн социальн харслтын министерствин зәнглсәр, инвалидмудын болн өрк-бүлән тежәсн улсан геесн әмтнә пенсь бас өсх. Энүнә төлә хөрн һурвн жува арлснг йилһж өггдх. Пенсин кемжән давсн жилд хот-хол болн эд-тавр үнтәрснәс көлтә өсжәнә. Росстатын то-дигәр иим өслт долан шаху процент тогтав. Күч-көлснә пенсь дундлад зурһан зун арвн тавн арслнгд икдх, даатхлһна әнг зурһан зун һучн йисн арслнгд өсх, инвалидмудын пенсь дөврн зун арслнгд икдхмн. Хойр пенсь авчах инвалид болн дәәнә орлцачнрин пенснь болхла ирлцнһү дараһар нәәмн зун һучн һурвн болн йисн зун хөрн һурвн арслнгд өсх. Хальмгин Пенсионн сангин то-дигәр эн жилин эклцәр далн хойр минһн хойр зун тәвн негн күн пенсь авчана.