Олн-әмтнә хуралын депутатнр сунһж авгдв
Ода эн болн талдан төрмүдин тускар тодрхаһар. Хальмг танһчин олн-әмтнә хуралын депутатнрин сунһвр болв. Өцклдүр асхн хөрн часла сунһлһна участк хаагдв. Сунһлһна урн бүрткәчнрт үзүлгдж секгдв. Сунврин комиссин гешүд бюллетень экләд тоолв. Сунһлһна цутхлнг комиссин йосна сайтын зәнглсәр, эн кемд кесн то-дигәр, сунһлһна участкин комиссьмудын протоколмудын йирн зурһан процентнь тоолгдв. Энүнә ашнь иим. графика Единая Россия парть тәвн негн һар процент авв, КПРФ-ин төлә арвн негн һар процентнь дууһан өгч, Гражданская платформа парть йисн һар процент авв, Патриоты России партин төлә зурһан шаху процентнь дууһан өгв. Справедливая Россия парть дөрвн дундур процент авв. Эннь түрүн тавн парть.
Дәкәд нег тодлад келхлә, танһчин парламентин хөрн долан ормд һурвн зун дөчн дөрвн күн орхар дөрлдв. Сунһврт хөрн һурвн партин элчнр орлцв. Хальмг танһчин сунһачнр яһж дууһан өгсн тускар мана зәнгч Ээнән Ольга келжәнә.
Өрүн эртәс авн ик зуудан медәтә улс дууһан өгв. З6-гч тойгта участк 18-гч тойгта школд бәәршлв. Элстихн нег дууһар келнә, суннһвр манна танһчд ик чинртә йовдл болжана. Иткжәх улстан дууһан өгсн болж һарв. Зуг эдн эврәннь программдан темдглсн тоотан куцәтхә гиж эдн нәәлжәнә.
Мана Танһчд ут —тоодан 6 минһн сунһачнр түрүн болж конституционн зәвән бәәдл жирһлд тохраж чадв. Йириндән баһчуд үдин хөөөн ирж дууһан өгнә. Тиим болвчн зәрм оютнр нег өдр эрт босад эврәннь участктан ирцхәв. Эднә төлә сунһлһна комиссь Әрәсән Федерацин конституц бәрүлж өгв. Баһчудын келсәр, иим чинртә политическ керг —үүлдврт түрүн болж орлцжах йовдл невчк үүмәтә гиж тоолгдна.
Танһчин сунһлһна комиссин то —дигәр 10 часин эргнд 9 процент күн дууһан өгснь темдглгдв. Элстд болхла нәәмн шаху. Лаганск болн Яшкулин райодт түрүн хойр часин эргцд 7 процент әмтн дууһан өгв. Городовиковск районд дөрвн шаху процент әмтн участкт ирсн болж һарв.
Дарунь комиссин гешүд эрүл менд дора орсн медәтнрин герт ирж, эднд дууһан өгх саам учрав. Йириндән иим таал инвалидмүдт, пенсионермүдт болн 80 һар һарсн улст өггднә. Тер тоод Ольховскийин өрк бүл зааж болхмн. Герт ирх эрлһ эдн урдасн өгсн бәәж. Эднә тоолврар, сунһлһн урднь экләд кесн көдлмшиг цааранднь танһчин олн әмтнә төлә күцәтхә гисн ухатаһар кегджәнь темдлгцхәв.
З1-гч тойгта суннһврин участкин комиссион ахлач Наталья Болоцкаян темдглсәр, балһсна цутхлнгд бәәх әмтн шунмһаһар эн чинртә керг-үүлдврт орлцжахнь заав. Государственн концертн зал элстин улс сәәнәр меднә, тиигчкәд энд у —сарул. Ик зуудан энд Губаревичин, Ленина, Клыковин нертә уульнцд бәәх улс ирж дууһан өгнә.
Сентябрин 8-д полицейскүдин көдлмш икдв. МВД цуг көдләчнр өдр сө уга көдлцхәв. Бюллетеньмүд сунһлһна участкудт авч ирсн кемәс авн эдн харулдан орв.
Тер хоорнд Целинн района Ики-Чонс поселкд дегц СМО-н депутатнрин сунһвр болв. Депутатнрин хургин ормд 14 күн орхар зүтксн билә. Намрин бүркг өдр болвчн селәнә әмтн өрүн нәәмн часла СМО-н герт бәәршлсн сунһллһна участкд ирцхәв. Бюллетеньд түрүн болж Светлана Абеева темдг тәвв. Энүнә келсәр, олнас шүүж авсн улс бәәдл жирһлд харһдг төрмүдиг арднь орж хаһлх гисн санаһан медүлв.
Өрүһәр нурһлж пенсионермүд болн ветеранмуд участкдт ирв. Кандидатнрин программин тускар олнд зәнгллһнә эВ-арһин нилчәр медж авлавидн гиж селәнә улс келнә. Әмтиг көдлмшәр тетклһн ик чинр зүүжәнә. сүл цагт селәнәс баһчуд талдан балһсд йовж көдлдг йовдл һундлта болжана.
Әмтиг сән чинртә усар тетклһнә төр Ик-Чонсд удл уга хадһлгдх гиж эдн нәәлжәнә. Ода ус хулдж авх кергтә болжана. Тегәд шин ханьд орх депутатнрин өмн хаһлх төр баһ биш бәәнә. Федеральн программла ирлцүлж энд усна турва татлһна көдлмш эклсн бәәнә. Энүг бәәдл жирһлд тохралһнд З8 сай арслнг олзлгдхмн.
Улсин Хуралын депутатнрин орм эзлх улсин то дегәд ик болхла, СМО-н хургин депутат болх санаһан зуг 14 күн медүлв. Тиим болвчн ик-чонсахн дамшлтта 7 кү шүүж авв. Эднә ик зунь эн һазра улс болжана. селәнә әмтн өрүн эртәс авн шунмһа кевәр ирж тааста кандидатнрт дууһан өгв гиж участкин комиссин ахлач баатр Кадушев келнә. Энд дууһан өгсн 7З4 күн темдглж бичгдв.
Тегәд Хальмгин улсин хуралын депутатнрин суннһвр болв. Цөн хонг болад кедүн күн йоста кевәр дүүһан өгсн то —диг медгдхмн. Тер хоорнд 27 депутатнрт эврәннь программдан заасн төрмүдән хаһлх арһ хәәх кергтә.
