Олн халхта дәкәд зурһан цутхлнг мана танһчд секгдх

Хальмг танһчд дәкәд зурһан олн халхта цутхлнг секгдх. “Информационное обшество” нертә мана танһчд батлж авсн государственн программар олн улс нег һазрт кергтә туслмж авч чадх. Мана танһчд иим олн халхта түрүн цутхлнг давсн жилин январь сард секгдсн билә. Энүнә хөөн Комсомольский, Көтчнр селәдт болн Городовиковск районд иим цухлнгуд экләд көдлв. Нег жилин эргцд хөрн һурвн минһн туслмж күрггдв.

Элст балһснд болн танһчин зәрм райодт олн халхта цутхлнгуд секснә хөөн, олн-зүсн туслмж әмтнд күрглһнә нег һазр бүрдәж болв. Энүнд онц улст болн гражданмудт кергтә документ темдглж бичгдж өгчәнә. Нег терзд олн-зүсн государственн болн муниципальн туслмж авч болх. Эндр өдрт электронн чеерүдтә олн халхта цутхлнгуд йисн пункт көдлжәнә. Энүнд жирн йисн государственн болн муниципальн туслмж авч болжана. Дундлад өдр болһн нааран хойр зун күн ирнә.

Олн халхта цутхлнгин ах специалист Ольга Свечкареван келсәр, ода олн әмтн нурһлж паспортан сольхар ирнә. Герин дегтрәс цаас һарһж авх туслмж күргнә. Давсн жилин нәәмн сарин эргцд нег минһн эрлһн орж ирв. Олн үртә өрк-бүлмүд һазрин участкин цаас һарһулна. Талдан чигн туслмж күргнәвидн.

“Информационное обшество” нертә государственн программ Хальмг танһчд күцәжәх кемд сән таалд олн улст цуг кергтә туслмж күргх арһ учрв. Энүнд өдгә цагин некврлә ирлцәтә аппаратн-программн комплексмуд олзлгджана. Кесг әмтнә олн-зүсн бәәдл-жирлһин халхар туслмж күргж болжана. Танһчин әмтн олн халхта цутхлнгудын көдлмшиг өөдәнәр үнлжәнә. Энүнд ахр болзгт чеерүд угаһар государственн болн муниципальн туслмж авч болх.

Эн күүкнә келсәр, иим цутхлнг йир эвтә болжана. Электронн чеерүд йир сән. Оньдин нааран ирнә. Эн күүкнә келсәр, электронн чеерүд йир эвтә болна. Олн күн цуглрх. Эн медәтин келсәр, олн туслмж авч болна. Эннь сән керг.

Хойр минһн арвн һурвдгч жилд олн халхта цутхлнгуд танһчин һурвн районд Комсомольский, Көтчнр селәдт болн Городовиковск районд секгдв. Эн жил дәкәд зурһан иим әнг секх зура бәәнә. Энүнә ашт Хальмг танһчин цуг улсин йирн процентнь олн халхта цутхлнгудын туслмж авч чаджана.

Государственн болн муниципальн туслмж күргдг олн халхта цутхлнгин директор Санж Хулхачиевин келсәр, олн халхта цутхлнгин туслмж олн улс авчана. Энүнә тускар статистик келжәнә. Хөрн хойр минһн эрлһәр туслмж күрггдв. Эн жил тавн районд иим цутхлнг көдлх. Эннь Лагань балһснд, Яшлт, Баһ Дөрвд, Яшкуль, Ик-Буурл селәдт иим цутхлнг көдлх.

Иргчдән государственн болн муниципальн туслмж поштын әнгүд бас күргх зура темдглж авгдв. Танһчин тәвн селәдт иим тәвн негн терз көдлх зөвтә.

Бевина Мергн, Мятежный Максим