Нүүрлгч багшнрт мөнгнә мөрә бәрүлж өггдв
Сән күцәмж бәрх хаалһ. Иим нерәдлһтә танһчин школмудын арвн негдгч классмудын һардачнрин танһчин семинар-селвлцән Хальмгин университетд болв. Хальмгин деед сурһулин ректор Бадм Салаевин келсәр, сурһульчнрт эрдм шүүж авх көдлмшт багшнрт иим харһлтс олз-туста болх. Көвүд-күүкдд эврәннь билг-эрдмән медрлән үнлж иргч эрдмән чикәр шүүж авхд багшнр нөкд болх зөвтә. Юнгад гихлә школан төгсәсн ах классмудын сурһульчнр ячмаран эрдм шүүж авхан медхш.
Семинарин йовудт нәәмн багшд мөнгнә мөрә бәрүлж өггдв. Эднә сурһульчсн эн жил Хальмгин универститетин оютнр болв. Теднә тоод Сарпинск школын багш Антонида Нимгирова йовна. Энүнә сурһульчнрин өрәлнь хальмгин деед сурһульд орад сурчана. Тер мет семинарин йовудт көвдү-күүкд эрдм шүүж авхд дөн күргсн танһчин школдмуд үнтә мөрәһәр ачлгдв.
