Ноябрин 10 авн декабрин 16 күртл Хальмг танһчд “Автокресла – детям” нертә керг-үүлдвр болжана
Ноябрин һурвнас авн декабрин арвн зурһан күртл Хальмг танһчд “Автокресла — детям” нертә цугәрәсән керг-үүлдвр болжана. Энүнә һол күцлнь — эврәннь үрдүдин эрүл-мендин тускар даавр угаһар туслмж күргжәх улсиг чанһ административн засгла харһулх төр тәвгджәнә. Машидт йовх бичкдүд генткн автомобиль зогсхла, эдн шав авх әәмшг бәәнә. Иим таалд шишлнг суудл эрк биш кергтә болна. Ода болхла зәрм жолачнр иим суудл хулдж авшгон төләд олн зүсн үг келж гөрдж һарна. Иим суудл уга болда хаалһд зеткртә йовдл учрхла, бичкдүд әмнәсн хаһцна эс гиж күндәр шавтна. Тер саамд иим зокал эвдсн жолачнриг чанһ засгла харһулх неквр ГИБДД-н көдләчнр тәвжәнә. Автоинспектормудын тоолврар, иим ялын кемжән бичкдүдиг хардсг шишлнг суудлин үнин кемжәнлә әдл болх зөвтә. Эндр мана үүдәгч баг госавтоинспекцин көдләчнрлә хамдан шишлнг рейдт һарч йовв.
