Нертә артистын өөнд нерәдгдсн концерт болх

Эндр Элст балһснд Хальмг танһчин олн-әмтнә артист Александр Бадма-Горяевин өөнд нерәдгдсн үүдәгч концерт болх. Ду-бииһин Бамб цецг нертә государственн ансамбльд һучн тавн жилдән көдлжәнә. Ода ансамбль ик концертн программ белджәнә. Энүнд коллективин хамгин сән ду-би орх. Баянист, көгжмин һардач, ансамблин ах режиссер Александр Бадма-Горяев композитор болж көдлжәнә. Энүнә нәәрүлж үүдәсн көгжмд шин айс орулгдв. Госфилармоня сцен деер эндр Бамб цецг ансамблин артистнрла хамдан Хальмг танһчин ачта артистнр Данара Шалханова, Мергн Ким, Борис Очкаев, келн-улсин драмин театрин, шог наадна болн драмин орсин театрин артистнр, симфоническ оркестр, “Тюльпанчик” нертә бииһин бичкдүдин ансамбль билг-эрдмән үзүлх.