Негдгч класст орх бичкдүдиг школд бичүлһнә көдлмш эклв

Негдгч класст орх бичкдүдин эк-эцкнрәс Әрәсәд эрлһн экләд орулж ачгджана. Иим эрлһ сурһулин заведеня медлд бәәх бәәрн һазрин аһуд бәәх улс орулж өгч чадх, эс гиж талдан школд орж болх. Болв хамгин түрүнд школын өөр бәәх көвүд-күүкд сурһулин заведеньд орж чаджана. Иим неквр Әрәсән эрдм-сурһулин шин заканд бичәтә.

Зурһан наста Аминад школд таасгджана. Энүнд ахнь бас сурчана. Школд ирәд сурһулян эклхинь тенкән уга гидгәр күләжәнә. Ода деерән бичкдүдин садт белдврин багд оржана. Үзг бичж чадна, арвн күртл тоолдг дасж авч.

Амина Мушаеван келсәр, школд одх өдр күләжәнә. Бичх, умшх дасх саната.

Аминан экнь Саглр күүкән негдгч класст шин жили байрин өдомүдин хөөн бичх саната. Ямаран эрдм-сурһулин заведеньд орхан темдгләд авчкв. Эннь Элст балһсна олн халхта гимназь. Энүнд сән чинртә медрл өгчәнә, бичкдүдт цуг кергтә оньг тусхагджана. Нег үлү, школ герин өөр бәәнә.

Саглр Мушаеван келсәр, иргч жилд күүкнь негдгч класст орх. Ик урдаснь школд ирәд, багшла таньлдв. Январин арвн негнәс авн ирәд бичүлгдх. Ода школд белдвр кежәнә. Немр кружокмуд оржана. Ода күүкнь умшж-тоолж чадна.

Эрдм-сурһулин ши закаһар школын өөр бәәх көвүд-күүкд хамгин түрүнд школд бичгдж орж чаджана. Зуг сурһулин учрежденьд сул орм уга болхла бичкдүд энд сурж чадшго. Элст балһсна олн халхта гимназьд иргч жилд далн тавн көвүн-күүкн негдгч класст орх. Эдн һурвн класс-комплектар хувагдв. Иргч жилдж дөрвн класс тогтагдла. Ут-тоодан гимназьд күсдундур минһн сурһульчнр сурчана. Школын герт болхла нег минһн күн сурж чадхмн. Тегәдч игн бичкдүд хойр селгәһәр сурчана. Иим чинртә сурһулин заведеньд хойр селгәһәр сурх зөв уга.

Элст балһсна олн халхта гимназин директор Клим Насуновин келсәр, ода Әрәсән эрдм-сурһулин шин закаһар бичкдүд бәәрн һазрарн школд орх зөвтә. Ода школмудтын мелд бәәх әмтн бәәдг һазр хажһр хувагдж. Зәрм школмудт сурһульчр олн, талдан сурһулин заведень бичкдүдын то баһ. Энүг чиклх кергтә. Тегәд негдгч класст сурһульчнр иргч жилин март сарас авн бичгдх.

Әрәсәд негдгч класст орх бичкдүд декабрин арвн тавнас авн экләд бичгджәнә. Элст балһсна әмтн болхла үрдүдән негдгч класст зун иргч жилин мартын нег шинәс авн бичж чадх. Эрдм-сурһулин заведень бәәх районд бәәршлжәх эк-эцкнр бичкдүдән негдгч класст июлин һучн негн күртл орулж чадх. Августын нег шинәс авн талдан улс ирд бичүлж чаджана. Келхд, негдгч класст эк-эцкнр үрдүдән эврән школд ирәд бичүлж чадх эс гиж интернетар государственн туслмж күргдг сайтд бичүлж чаджана.

Элст балһсна олн халхта гимназин эклц классмудын багш Галина Заруцкая келсәр, негдгч класст орх онц неквр уга. Сентябрин нег шинд эдн зурһан жил зурһан сарта болх зөвтә. Дәкәд болхла эдн школын медлд бәәх аһуд бәәршлх неквр бәәнә.

Сентябрь сар күртл ода чигн йисн сар үлдсн бийнь, эврәннь үрдүдин төлә оданас авн ямаран школд орхин тускар ухалх кергтә. Мушаевин өрк-бүләс үлгүр автн.

Елена Алексенко, Эрнжәнә Эрднь