Наркоманля ноолда келһнә өдрт нерәдсгдсн спортын байр болв
Эндр дөрвдгч микрорайонд бәәх “Буревестник” стадионд наркоманля ноолда келһнә нарта-делкән өдрт нерәдгдсн Будь здоров нертә баһчудын спортын байр болв. Байр секлһнд орлцсн наркоконтролин церглтин ахлач Георгий Солдаткина келсәр, жил ирвәс марһана орлцачнрин то өсәд йовна. Байрин программар “Юный десантник” нертә бичкдүдин клубын сурһульчнр билг-эрдмән үзүлв. “Гром” нертә баһчудын клубын орлцачнр билг-эрдмән үзүлв. Эдн кесг сардан өдр болһн цогц-махмцдан батрулж, дамшлтан өөдлүлнә. Көвүдин келсәр, эднә үзүлсн эв-арһ дегд күнд биш. Энүнәс күнд эв-арһ эдн олзлж чадна. Эндр стадионд болсн орлцачнр дунд спортд ик оньган өгчәх улс бәәнә. Тер тоод Элстин классическ гимназин сурһульч Игорь Халхинов. бөк бәрлдлһнә спортар көдлснә хөөн, гемәсн гетвл. Байрин йовудт олн-зүсн спортын марһан болв. Тер тоод гүүлһнә, арһмж татлһна, дартсин болн талдан чигн спортар дииләчән йилһв. Эндрк байр наркоманля ноолда келһнә нарта-делкән өдрин программар бүрдәж давулгдв.
