Нәәмн өрк-бүл танһчин бичкдүдин герт бәәх өнчн күүкд авхдан белн бәәцхәнә
«Әрәсә өнчн күүкд угаһар» гидг федеральн төсв хальмг танһчд дигтә даратаһар күцәгджәнә. Эндр өрд хальмгин нәәмн өрк-бүл танһчин бичкдүдин герт бәәх өнчн күүкд авхдан белн бәәцхәнә. Эн өрк-бүлмүдин эк-эцкнр психологическ курст орад һарсн бәәнә. Өдгә цагт эдн цуг кергтә цаасан диглж белджәнә. Эн жидәс авн өнчк күүкд көвүшлж авсн улсин жалв икдсн бәәнә. Эндр өдр хөрн минһн арслнг тогтажана. Энүнснань орн-нутг сар болһн немр 12 минһн арслнг һарһж өгчәнә. Эн мөнгн хот-хоолд, хувц-хцнр хулдж авлһнд һарһгдх зөвтә. Городовиковск балһсна бичкдүдин герт бәәх дөрвн бичкдүд удл уга эврә өрк-бүлтә болхмн.
Эндр өдр Городовиковск бичкдүдин герт 25 күүкд-көвүд бәәнә. Эднәс нәәмнь эн жил школаг төгсәжәнә. Эдн профессиональн дундын сурһульмудт цааранднь сурхмн. Бичкдүдин герин директор Наталья Новикован келсәр, сүл һурвн жилмүдин эргцт арвн күүкд-көвүд эк-эцкнртә болв. Эднәс һурвн италь орн-нутгт. Эднә бәәдл-жирһл сурһмжлачнрин оньгт бәәнә.
