Нәәмәдлһнә гермүд тосхдх
Мана танһчин улсин төлә бәәдг гермүд тосхгдх. Элст балһснд нәәмәдлһнә гермүд бәргдх, олн үртә өрк-бүлмүдин төлә патьрмуд йилһж өггдх. Энүнә тускар эндр правительствин барин церглт зәнглв. Һурвн халхта зөвшәл Москва балһснд батлж авгдв. Эннь эзнә болн государтвенн нөкцлтин сән үлгүр болжана. Социальн күнд бәәдлд туссн улсиг бәәдг гермүдәр тетклһнә төриг региональн йосн хаһлжах темдг болжана. Специалистнрин келсәр, нәәмәдлһнә гермүдин үн олн давхрта гермүдт патьр нәәмәдлһнәс невчк кимд болх. Ода ипотечн жилишн кредитованя региональн агентств талдан ведомствсла белдврин көдлмш күцәжәнә. Келхд, агентств эн төсвин күцәх даалһвр авсмн. Шин гер бәрх орм ода темдглж авгджана. Удл уга нәәмәдлһнә гер авх улсин то бүрткж авгдх. Һазрин участк авсн олн үртә өрк-бүлмүд жилишн-тосхлтын кооператив бүрдәж чадх. Гер эдлврт орхла эдн патьрин эзн болна. Олн давхрта гер бәсрн өгья мөнгиг нәәмәдлһнд патьрмуд өгснә эс гиж үлдсн патьрмуд хулдсн мөнгәр данцаж болх.
