Лаганьд усна аюлд харһсн улст гермүд тосхгджана
Йирн тавдгч жилд оруһин уснас көлтә бәәдг гер уга үлдсн әмтнд гермүд эдлврт орулжана. Ода иим зурһан герин тосхлт төгсжәнә. Эн өдрмүдт тосхачнр шалдарин көдлмш күцәжәнә. Хойр доланг хонг болад Бурхн Аюш уульнцд тосгхджах герт шин бүүрт әмт нүүлһж орулх зура бәәнә. Улсиг патьрмудар тетклһнә төр “Юг России” федеральн программар күцәгджәнә.
Гани Ашмухаметовин келсәр, герин полын доскс омкрад үрж одсн билә. Һурвн-дөрвн жил болад эдниг сольх кергтә болна.
Оруһин уснас көлтә Ашмухаметовин өрк-бүл Джамбулин уульнцд бәәсн талдан улсла хамдан ик зовлнг үзв. Герин цуг хорас уснд авлгдв. Генрин эзнә тодлсар мебель, хувц-хунр цугтан үрж одв. Герт бәәж болшго. Жил болһн ясвр кенә, эс гиж бәәдг гер уга үлдх әәмшг бәәнә. Йирн тавдгч жилд Көк тенгс деврәд, ик усн орснас көлтә, района цутхлнг балһна Красинское селәнә арвн тавн уульнц аюлд тусв. Ашмухаметовин аваль тодлсар, йирн тавдгч жилин мартын арвн һурвнд арвн хойр часла усн өвдгцә болв. Ю авхан медсн угав, документан авч чадв. Күүкдән суулһж авад, машиһар йовж. Усн ардаснь көөлдәд һоожв.
Эндр өдрт зун нег өрк-бүл шин бүүрт орв, дәкәд зун арвн өрк-бүл бәәдг гер авхар чеерүдт зогсжана. Февралин эклцәр шин герт нүүж орх өрк-бүлмүд дунд Ашмухаметовин өрк-бүл бәәнә. Арвн долан жил болад шин герт орх арһ учрв гиж эдн келнә. Гани Ашмухаметовин келсәр, герт усн дүүрәд орж ирв. Герин ораһар һарх кергтә болв. Арвн долан жилдән шин гер күләжәнә. Ода бәәсн гер чиигтә, бәәж болжахш. Ода шин герт орхла сән болх. Шин гермүдиг хәләж. Йир сән гермүд бәрж.
Арвн долан жил хооран энд учрсн ик аюлас көлтә олн гермүд уснд авлгдв. Ода күртл хуучрад нурад унжах баракмуд үзж болх. Федеральн шишлнг программар зурһан шин герин тосхлт төгсжәнә. Энд дула өгдг систем, санузел болн талдан чигн бәәцин цуг таал бәәнә. Эн жилин чилгч күртл дәкәд һучн долан хойр патьрта гер эдлврт орх гиж зуралгджана. Ода арвн герин ул белн бәәнә.
Лагань балһсна администрацин толһач Николай Гиренкон келсәр, шин гремүд бәрхин төлә мөнгн федеральн бюджетас ирнә. Зурһан гер бәрхин төлә арвн нәәмн сай арслнг йилһж өггдв. Арвн тавдгч жил күртл аюлд харһсн цуг өрк-бүлмүдиг шин бүүрт нүүж орулх зура бәәнә. Эн программ күцәгдх.
Ода деерән дулан өдрмүд тогтснас иштә тосхлт кеж болжана. Лаганя администрацин толһач Николай Гиренкон келсәр, тосхлтын цуг кемжән күцгджәнә. Гер эдлврт орулхин өмн шишлнг комиссь бүрткж хәләнә. Тер мет шин гериг энд бәәх улс ирж хәләнә. Кемр дуту-дундс бәәхлә, тер дарунь тосхачнр энүг чиклнә.
Ээнән Ольга, Бадмаран Владислав
