Көтчнрә районд шин бичкүдин сад секгдв

Көтчнр селәнд шин бичкдүдин сад байрин бәәдлд секгдв. Энүнд зу шаху көвүд-күүкд орж чадх. Энүнә тосхлтд хойр һар сай арслнг йилһж өггдв. Ода шин гер санитарн ццуг некврлә ирлцжәнә. Дошкольн учрежденьд бичкдүдт сурһмж болн сурһуль өглһнә кергтх таал бүрдәгдв. Ноябрин нег шинәс авн сад экләд көдлх.

Садын гер шинрүлһнә туск шиидвр эн жилин хаврар батлж авгдсн билә. Энүнә төлә района бюджетас хойр сай һар арслнг йилһж өггдсн бәәж. Арвн жилдән дошкольн учрежденя гер эжго бәәв. Ода болхла шинрүлгдсн герт дәкнәс көвүд-күүкд орулж авгдхмн. Тер мет шин бичкдүдин садын герт көгжмин класс болн хот кедг цех көдлх. Бичкдүдин учрежденьд цуг кергтә таал бүрдәгдв, энүнд хзувца тәәлдг, унттдг, хот уудг хорас бәәнә. Эдн цугтан салу. Ут-тоодан энүнд йирн тавн бичкдүд орж чадх. Иргчдән садт зун хөрн күн орж чаджана.

“Ромашка” нертә бичкдүдин садын һардач Наталья Учаева келсәр, урднь эн гер бичкдүдин сад гиж тосхгдла, хөөннь арвн жилдән көдлсн уга. Района һардвр энүг шинрүлхәр шиидв. Хаврар яслһна көдлмш эклв. Ода цуг шинрүлһнә көдлмш төгсв. Ноябрин нег шинхс авн экләд көдлх. Сад көдлхлә, чеедү невчк баһрх.

Көтчнрә района бичкдүдин сад секлһнә байрт олн гиичнр болн бәәрн улс ирв. Селәнә улсин келсәр, энүнә тосхлтд олн әмтн дөн болсмн. Нег үлү, һучн долан организац нег өдрә жалван орулж өглә. Хальмг танһчин олн-әмтнә хуралын ахлач Анатолий Козачко келсәр, ода көтчнрә һазрт бәәдл ясржана. Шин сад экләд көдлжәнә. Энүнд зу шаху бичкдүд ирх. Эннь ик чинртә йовдл. Талдан чигн райодт иим керг дөннжәнәвидн. Хальмг танһчин толһачин нилчәр иим хурц төр хаһлгджана. Ик кезәнәс авн күләжәсн сад көдлх. Эннь эк-эцкнрт болн бичкдүдт ик байр үүдәснь үзгдв. Нааран олн улс ирж байр хувалцв.

Дошкольн шин учрежденьд селәнә хөрн күн көдлмштә болх. Болв хамгин һол кергнь — ода садын чеерүд зөвәр баһрхмн. Энүнә өмн чеерүдт зун йирн көвүд-күүкд зогсжасмн. Тегәд чигн ода бичкдүд болн эднә эк-эцкнрнь ик байрта бәәнә.

Гольдина Ирина, Очра Сергей