КТК-Р сурвлжна күчиг икдүлжәнә
Каспийск сурвлжна консорциум КТК-н нефтин сурвлжна күчинь икдүлһнә төсв цаарандан күцәжәнә. Эдлвр орулгдх нәәмн нефть гүүлгдг станцас хойрнь Хальмг танһчин аһуд тосхгджана. Дәкәд нег станц өдгә цагт көдлжәнә. Мана үүдәгч баг Ик-Буурл селәнә өөр тосгджах станцд одад ирв.
Нег жид хооран энд эжго тег бәәсмн. Ода Ик-Буурла района аһуд тосхгджах нефть гүүлгнә станц НПС-З удл уга эдлврт орулгдх. Энүнә һол сооружньс, тер тоод КТК-Р компаня көдләчнр бәәх бичкн балһсн күцц тосхгдв. Магистральн насосн станцд кергтә агрегатмуд углж тәвгдв.
Подрядн организацин элч Сергей Пономаревин келсәр, эндр өдрт тосхлтын һол көдлмш төгсв. Ода оборудовань углж тәвгджәнә. Энд магистральн агрегатмуд бәәнә. Энүг углж тәвх кергтә.
Эннь болхла операторн хора. Участкин ахлач Александр Брайтын келсәр, эн хораһас цуг производсвин көдлмш залгдх. Удл уга энд цевр аһар өгджг систме углж тәвлһнә көдлмш төгсхмн.
КТК-р заллтин участкин ахлач Александр Брайтын келсәр, эн герт цуг тосхлтын көдлмш кегдв. Ода цевр һар өгдг систем углж тәвгджәнә. Гер дотр болхла шалдарин болн ши рдлһнә көдлмш кегджәнә. Хойр-һурвн өдр болда ширдлһнә көдлмш төгсх. Энүнә хөөн электрикүд ирж көдлх.
Эндр өдрт тосхлтын цуг көдлмш нурһлж коммуникац орулһнд өггджәнә. НПС-З станициг электрокүчәр тетклһнә тускар келхлӘ. шин техникар теткгдсн шин подстанц энд тосхгдсн билә. Энүг байрин бәәдлд секлһнә байрт КТК-Р компаня һардачнр, энергетическ компаня элч болн хальмг танһчин толһач Алексей Орлов орлцсн билә.
КТК-р заллтин участкин ахлач Александр Брайтын келсәр, ода подстанцас сунһуг һол гер күртл татгдв. Цуг кергтә электротехническ оборудовань хулдж авгдв.
Дәкәд нег тодлад келхлә, Тенгиз-Новороссийск хоорндк нефтин сурвлжна күчинь икдулх шиидвр авгдсмн. Ода энүгәр һучнр сай тонн невть гүүлгнә. Иргчдән жирн долан сай тонн нефть гүүлгх арһ учрхмн. Эн көдлмшлә ирлцәтә КТК-Р компаняь мана танһчла бооца батлж авв. Ода мана танһчин аһуд нефтин сурвлжна әнгнь һурвн зун дуунад бәәнә. Иим бооцаһар компань нефть гүүлгдг немр хойр станц тосхх даалвһрта. Энүнәс нег станц удл уга эдлврт орулгдх зөвтә.
КТК-Р заллтин участкин ахлач Александр Брайтын келсәр, Хальмг танһчар һурвн зун дуунад турва татгдв. Региональн бюджет энүнәс алв авчана. Тер мет турван күчнь икдхлә, алвн бас өсх. Ода энд цуг көдләчнрәс һучн процентнь бәәрн әмтн болжана.
Көвүд селәнә бәәрн күн Жанһр Картеевин келсәр, көдлмшин таал сән, хот-хоолар сәәнәр теткнә, жалв бас таасгджана. КТК-Р компаня болн хальмг танһчин хоорндк нөкцлтин зураһар социальн-эколномическ программ күцәлһнд дөн күрггдх.
Чучян Валентина, Очра Сергей
