16 мая 2012, 15:14
Крымск геморрагическ безгәр гемтсн нег күн больницд орулгдв
Эн өдрмүдт Хальмг Танһчд йоста халун өдрмүд тогтсн бәәнә. Цуг әмтә тоот ичәнәс һарв. Тедн дунд —шалз. Шалзмуд кү зууһад гем —өвч хальдна. Хальмг Танһчд крымск геморрагическ безгәр гемтсн нег күн больницд орулгдв. Эн жилд эн түрүн йовдл болжана. Гемтсн күүнә эрүл менд әәмшг учражахш. Келхд, дулан өдрмүд эклснәс авн танһчин больницд зун дөчн зурһан шалз зуусн әмтн орв, эднәс һучн зурһан бичкдүд. Роспотребнадзорин специалистнр эн төрәр бүртллһнә көдлмш кежәнә, шалзас зуулһсна хөөн зуусн орман, больницд оч бийән үзүлх кергтә. Шалз хальдадг өвчнә далд цаг хойр долан хонг болна.
