Коррупцла ноолда кедг көдләчнр мергжлтән өөдлүлжәнә
Эн өдрмүдт Элст балһснд коррупцла ноолда келһнә халхар Хальмг танһчин күцәгч органмудт көдлжәх государственн гражданск көдләчнрин мергжлт өөдлүлһнә сурһуль боджана. Эднә төлә лекцс экономическ номин доктор, профессор Владимир Мирошниченко болн коррупцла ноолда келһнә цутхлнгин директор, әәмшг уга бәәлһнә болн социальн программин академин ректор, социологическ номин доктор, профессор Елена Мчедлова умшжана. Хальмг танһчд цутхлнгин шинжлтын ашар коррупцин бәәдл Элст балһснд, Баһ Дөрвдә, Үстин болн Лаганск райодт хурц. Эн халхар коорупцин рейтингар түрүн орм региона алвна церглт эзлжәнә, энүнә ард ГИБДД, эрүл-менд харлһна учрежденьс болн бәәрн залврин органмуд йовна. Удл уга эн төрәр танһчин правительствин ахлач Игорь Зотов орлцата төгрг ширән сүүр болх. Энүнд Хальмгин эрүл-менд харлһна халхд коррупцин төрмүдәр тодрха күүндвр кегдх.
