КГУ-н оютнрин команд КВН-н марһанд түрүн орм эзләд ирв
Шидр хальмг ик сурһулин туужд ик байрта йовдл учрв. КГУ-н оютнрин команд ӘӘдрхн балһснд Әрәсән өмн үзгин регионмудын хоорнд давулгдсн КВН-н марһанд түрүн орм эзләд ирв. Өдгә цагт баһчуд Минск балһснд давх чемпионатд белджәнә.
Өцкүлдүр болхла КВН-н орлцачнр эврә билг-эрдмән олна оньгт тусхав. Балһсна хамгин ик концертн зал әмтәр дүүрв. Келхд КВН-шикүдин белдсн концерт дангинд байртаһар, шогта-инәдтәһәр, олн-әмтн орлцатаһар давдгнь сән зангшалд хүврсн бәәнә.
Сцен деер хойр команд һарв, эннь цутхлнг факультетин болн тавдгч микрорайона факультетин. Эднә шог наадна төрмүд олн-зүсн болв: өөрдж йовх шин жилин тускар, оютнрин болн багшнрин хоорндк хәрлцәнә тускар шоглсн деерән, баһчуд заалд суух танһчин толһачин хайгар чигн шоглв.
Танһчин толһач тәәз деер һарад КВН-на орлцачнриг бәрсн диилврләнь йөрәһәд, дарани нааднд күцәмж дурдв.
Цуг шог-наадиг бадн цугтан командарн негдәд бүрдәнәвидн гиж баһчуд келнә. Тегәд эднә үзүлсн наадн заалд хурсн әмтнд йир таасгдв гиж келх кергт.
Декабрь сарин арвн хойрт мана деед сурһулин КВН-н командин арвн тавн баһчуд Минск балһснд болх КВН-на кубокин чемпионатд орлцхмн.
Арстана Светлана, Бадмаран Владислав
