Июль сарин нег шинәс авн газин, шамин, усна олзлсн кемжәг үзүлгджәх шишлн прибор эрк биш патьр болһнд углж тәвх зөвтә
Эн жилин июль сарин нег шинәс авн газин, шамин, усна олзлсн кемжәг үзүлгджәх шишлн прибор эрк биш патьр болһнд углж тәвх зөвтә. Энүнә тускар батлсн федеральн заканд тодрхаһар бичәтә. Сүл жилмүдт коммунальн туслмжин кемжән өсәд йовна. Тегәд эн хурц төрәр депутатнр селвцәд тиим закан батлж авсн билә. Сар болһн шишлн приборар хәләһәд комунальн туслмжиг өгхлә кимд болх . Ода болхла коммунальн туслмжин счетчикүд тәвх саната улст сүв-селвг тусхажанавидн.
Эн жилин июль сарин нег шин күртл олн давхрта гермүдт бәәх әмтн шамин, усна, дула өгллһнә олзлсн кемжәг үзүлгджәх шишлн прибор эрк биш патьр болһнд углж тәвх зөвтә. Болв зәрм әмтнд мөнгн уга болхла газин шишлн счетчик хойр минһн арвн тавдгч жилин январь сарин нег шин күртл тәвж чаджана. Эн жилин январь сарас авн олн давхрта гермүдт дула өгллһнә шишлн прибор тәвгджәнә. Эндр өдр кен тиим шишлн прибор углж тәвжәнә мана күүндврт орлцсн хальмг танһчин жилишн комунальн эдл ахун ахлач Сергей Бурулов тодрхаһар келж өгв.
Сергей Буруловин келсәр эндр өдр тиим шишлн счетчикуд ресурс тетклһнә организац углж тәвгджәнә. Шишлн прибор тәвхин өмн кергтә цаасн белдж авх кергтә. Түүнә хөөн жилишн комунальн эдл ахун министерствд ирәд документан үзүләд чеерүдт зогсх кергтә.
Сүл жилмүдт коммунальн туслмжин кемжән өсәд йовна. Тегәд эн хурц төрәр Әрәсән депутатнр селвцәд тиим закан батлж авсн билә. Сар болһн шишлн приборар хәләһәд комунальн туслмжиг өгхлә кимд болх.
Кемр шишлн прибор углж тәвх мөнгн уга болхла күн болһн энүнә тускар маднд зәнглж чаджана.Эн мөнгән патьрмудын эздүд тавн жилин эргцд өгч чаджана гиж сергей бурулов келв.
Муниципальн патьр болхла шишлн счетчикүд бюджетн мөнгнәс углж тәвгджәнә. Эндр өдр эврәннь патьрмудтан шишлн счетчикүд тәвәд уга әмтн бәәхлә жилишн комунальн эдл ахун министерствд жиннүлж чаджанат. Эн министерствин специалитср таднд шин батлсн закана тускар тодрхаһар келж өгх.
Энән Делгр
