Әрәсән Федерацин Хүүвин сүүр хальмгт түрүн болж болв
Элст балһснд Әрәсән Федерацин Хүүвин номин, эрдм-сурһулин болн зәнглһнә политикин комитетин сүүр болжана. Өдгә цагин Хальмг танһчин туужд иим сүүр түрүн болж бүрдәгджәнә. Сүүрин өмн сенатормуд Хальмг танһчин толһач Алексей Орловла, олн-әмтнә хуралын ахлач Анатолий Козачкола харһлт кев, зәрм обьектмудт одв. Комитет һарджах Зинаида Драгункина инвалид бичкдүдин цутхлнгин көдлмшлә өөрхн таньлдв. Энд Әрәсән Президентин йилһж өгсн арвн сай арслнг мөнгәр герин ора шинрүлгдв, усна сурвлжн сольгдв, зәрм хораст ясвр кегдв. Цутхлнгиг өдгә цагин некврлә ирлцүлхин төлә дәкәд далн тавн сай арслнг кергтә. Драгункина зәнглсәр, удл уга цутхлнгин бичкдүдиг Словеня орн-нутгт күргәд, эмнүлһн бүрдәхгдх. Федерайин Хүүвин гешүдт бичкдүт концерт үзүлв. гиичнр эднл белгүдән бүәрлж өгв. Тер мет гиичнр олн үртә Андрюшкеевихна өрк-бүлд бас белгтәһән одв. Долорсе болн Убуш зурһан үрән өскжәнә. Драгункина эднә бәәдл-жирһлин тускар соньмсв. Талдан сенатормуд бас олн-үзсн обьектмудт одв. Ода сүүрт эдн тоолврарн хувалцжана. Энүнә ашар хальмг танһчд ик чинр зүүжәх шиидврмүд батлж авгдх.
