29 апреля 2013, 15:02
Һазадын ордудын оютнрин фестиваль төгсв
“Мы такие разные, но мы вместе” нерәдлһтә Әрәсән Өмн үзгин федеральн округин деед сурһулин һазадын ордудын оютнрин фестивалин программар Хальмгин государственн университетин спортын комплекст давсн амрлһна өдрмүдт спортивн марафон болв. Нарта-делкән оютнрин марһана орлцачнриг танһчин правительствин ахлач Игорь Зотов, ректор Бадм Салаев болн Әрәсәд һазадын ордудын оютнрин ниицәнә президент, Бенин республикин күцц зөвтә элч Кочофа Анисет Габриэль йөрәв. Оютнр волейбольн, футбольн, настольн теннисин болн арһмж татлһна марһаст чидлән сөрв.
