Үстин района эрүл-менд харлһна халх шинрүлһнә төлә хөрн нәәмн сай арслнг йилһж өггдв
Района эрүл-менд харлһна халх шинрүлһнә төлә хөрн нәәмн сай арслнг йилһж өггджәнә. Иим ик мөнгн федеральн бюджетас түрүн болж ирх. Ода Үстин района Цаһан Амна район больницд ясврин көдлмш гүргүдән, энүнә хөөн энд шин медицинск оборудовань хулдж авгдх.
Больницин хирургическ әнгин гер хуучрад, му дүрс һарч одв. Дөчн жил хооран тосхсн герт плиткс хуурад унжана, пол бас хуучрв, терз-үүдн кесг дәкж ширдснәс көлтә мү дүрс һарв. Ода болхла больницин гер шинрүлж ясгдад, тас талдан бәәдл һарх. Ясврин көдлмшт өдгә цагин некврлә ирлцәтә материал олзлгдх. Шин электрокүчнә оборудовань болн сантехник углж тәвгдх. Ирх жилин январин нег шин күртл тосхачнр цуг көдлмш төгсәх зөвтә. Ода чигн больницин гер хәләхд байрта болна гиж эмчнр келнә. Эмч Галина Медведь келсәр, кесг жилдән энд иим ясврин көдлмш кегдәд уга билә, ода больницд туалет көдлх. Гемтә улст сән таал бүрдәгдх. Больницин көдлмш ясрх гиж күләжәнәвидн.
Щдгә цагт района больницин һурвн әнгд ясврин кщдлмш кегджәнә. Энд шин терз-үүд, пол, турва тәвжәнә. Гермүдин ора шинрүлгджәнә. Дәкәд болхла больницд усна сурвлжн болн канализац кегджәнә. Тегәд энд бийән эмнүлх улс халун усар бийән уһаж чадх. Тер мет района эмнүлин учрежденьд шин оборудовань болн аппаратур углж тәвгдх гиж эмчнр күләжәнә. Эмч Любовь Бахандыкован келсәр, района больницд шин оборудовань ирх/ нилх бичкдүдин тщлә аппаратур хулдж авгдх. Төрлһнә шин зал болн операционн кщдлх.
Больницд ясвр кегдсн бийнь, эмчнр урдк кевәр көдлжәнә. Ода деерән уутьхн болад көдлхд невчк жанһрта болв. Тер бийнь гемтә улсиг эмчнр урдк кевәр эмнүлжәнә. Эн жилин чилгч күртл больницин тавн әнгәс һурвн әнгнь шинрүлж ясгдх. Энүнә төлә федеральн бюджетас хөрн нәәмн сай арслнг йилһж өггдв. Эн мөнгәр шин оборудовань бас хулдж авгдх. Цаһан Амна районн больницин ах эмч Игорь Бокушевин келсәр, эрүл-менд харлһна халх шинрүлһнә программар мөнгн ирв. Ирх жилд бачм чинртә дөн күргдг машин ирх зөвтә. Ода мана машид цугтан хуучн. Электрокүчнә оборудовань сольснь бас сән керг болв.
Иргч жилд района эмнүлин учреждень эрүл-менд харлһна халх шинрүлһнә федеральн программд хаалһар әәмшг угаһар йовлһна төсвд орх. Эн программар Цаһан Амн селәнә больницин улд немр операционн әнг секгдх, интенсивн терапийин хойр палат көдлх, диагностическ әнг секх зура бәәнә. Энүнә ашт районд медицинск дөн күрглһнә чинрнь ясрх гиж эмчнр нәәлжәнә.
Пихона Нина, Бадмаран Владислав
