Зунын амрллһна өдрмүдт танһчин 2000 көвүд күүкд көдлмшәр теткгдв

Зунын амрллһна өдрмүдт танһчин хойр минһн көвүд күүкд көдлмшәр теткгдв. Эн туст эднд танһчин бюджетас хойр һар сай арслн йилһгдж өггдсн билә. Көдлмшәр теткгджәх улс болхла баһчудт дөрвн сай арслн йилһх. Эндр өдрин кесн то дигәр долан зун региона баһчуд көдлмшт орв.

Элст балһснд көвүд күүкд зынын кемлә олн зүсн организацд предприятьмудт көдлх. Школ болһнд өдрә лагерьбмүдт кесг баһчуд багшнрт дөн болад бас көдлх. Өдгә цагт баһчуд гертән зуна амрллһна өдрмүдт суухар седхш мөнгн олхар седнә. Нәәмдгч классин сурһульч Шаран Баинан келсәр зунын амрллһна өдрмүдт сән дөнцл мөнгн болна.

Би ода арвн дөрвн настав, зунын амрллһна өдрмүдт невчкн мөгнг олхар седләв. Сурһулин шин жилд бийдән дегтрмүд болн кергтә тоотс хулдж авнав.

Өдгә цагт көдлмшәр тетксн баһчуд аля азд һарлго көдлмшин зөөн герүрн хәрнә. Зунын амрллһна өдрмүдт эдн замин хорад көдлнә, аh-сав уһана. Лагерин һазрин уһаг цеврлнә, бичкдүдиг хәләнә.

Арвн дөрвн настаһас авн арвн нәәмн нас күрсн көвүд күүкдин төлә һурвн сай арслнг мөнгн йилһдсн билә. Найн хойр процент эн мөнгнәс Элст балсһна көвүд күүкд авхмн.

Мэрийн заллтын әнгин специалистнр долан зун тәвн баһчуд көдлмшәр тетгдсн билә. Негдгч девснгд зурһан зун арвн көвүд күүкд көдлх, хойрдгч девснгд зун тәвн тавн, һурвдгч найн тавн баһчуд орх.

Хальмг Танһчин көдлмшәр тетклһнә цутхлнгин специалистнрин келсәр цуг көдлмшәр тетгдсн баһчуд цаглань жалв авх. Көдлмшин цааснд эднә көдлсн цагинь бас бичкгдх.

Мана специалистнр эн туст ик көдлмш кежәнә. Көдлсн баһчуд жалв өгсн деерән дәкәд материальн бас күрглгдхмн. Көдлмшәр теткжәх арһлачнр нег минһн долан зун арслнг көвүд күүкд өгв зөвтә.

Өдгә цагт көдлмшәр теткжәх арһлачнр баһчудт дөн болһна программд орлцхар седхш. Хамгин түрүнд көдлмшәр олн үртә өрк бүлмүдин, өнчн көвүд күүкд теткгднә.

Бевина Мерген, Хавтхна Анатолий