Театральн сезон төгсжәнә
Элст балһснд театральн сезон төгсж йовна. Эн жил артистнр эврәннь хәләһәчнрән соньн наадар байрлулв. Драмин болн шог наадна орсин театр болн Баснга Баатрин нертә келн-улсин театр эн жил олн-үзсн шин наад белдв. Москваһас ирсн шинжләчнрин тоолврар, цуг наадд өдгәц агин некврлә ирлцжәнә. Актермудын болн режиссермудын эрдм онц темдглгдв. Балакан Алексейин бичсн Зарһм эврән кетн нааднд келн-улсин театрин артистк Марина Кекееван үзүлсн дүр хамгин темдгтә йовдл болв. Тер мет келн-улсин театрт түрүн болж Санж Балыковин Девичья честь болн Островскийн бичсн на всякого мудреца довольно простоты наадн хәләһәчнрт таасгдв. Орсин театрин үүдәлтд дурта әмтн болхла режиссер Константиновин, актермуд Александр Шегловин, Людмила Мансурован, Владимир Маркина белдсн Детектор лжи наад хәләв. Василий Сигаревин бичсн наадн театрин темдгтә йовдл болв. Эндр Баснга Баатрин нертә келн-улсин театрт сезон төгсжәнә, орсин театрт бас цөн өдр болад сезон төгсх.
