Танһчин правительствин медлд үүлджәх дискуссионн клубын дарани сүүр болв
Элст балһснд танһчин правительствин медлд үүлджәх дискуссионн клубын дарани сүүр болв. Энүнд эзнә онц эдл-ахусин делгрлтин чинрин болн танһчин улсин бәәдл-жирһлин кемжә өөдлүлһнә тускар тодрха күүндвр болв. Тер мет энүнд танһчин социальн-экономическ делгрлтд ЛПХ-н тәвцин, онц эздүдин эдл-ахусиг крестьянск-фермерск эдл-ахуд орулһна төлә урмд өглһнә тускар күүндвр бас һарв.
Сүүрт хәләгдсн төр мана танһчд ик чинртә төр. Наг халхаснь региональн һардачнр олн малын тө икдүлх саната, талдан халхаснь малын идгүд күртжәхш. Энүнә тускар райодын муниципальн бүрдәцин, толһачнр келв. Тельман Хаглышевин келсәр, өдгә цагт онц эздүд мал өскәд, олз-һару олзлж чаджана. Ик крестьянск фермерск эдл-аху бүрдәхд жанһрта болна. Иим эдл-ахуд хүврүлхлә, алвна кемжән кесг холванд өснә.Үлгүрнь, нег гектар һазр нәәмәдлж олзлһна алвна кемжән һучн арслнгас йирн арслнгд өснә. Тегәд крестьянск фермерск эдл-аху тогтаһд алв өгхин төлә, өсксн малан һарһад, хулдх кергтә болна эс гиж хәләжәсн малын то баһрулх кергтә болна. Тельман Хаглышевин келсәр, мана района гер болһнд гилтә ма өскнә. Эдн крестьянск фермерск эдл-ахуд хүврүлх санан уга. Юнгад гихлә селәдин өөр малын идг уга. Фермерск эдл-ахуд хүврүлхлә, энүнд ик алв өгх кергтә болна.
Иим ик алвна кемжәнәс көлтә, ие эдл-ахус, тер тоод района АПК-н хамгин сән предприятьмуд бас өрнд унжана. Келхд, “Кировский” болн “Улан Хөөч” эдл-ахус муниципалитетмудт ирлцнһү дараһар хойр дундур сай болн нег сай зун минһн арслнг өрнд унв. Тегәд Тельман Хаглышевин болн Санл Адьяевин келсәр, танһчин күцәгч йосн ЛПХ-сиг крестьянск-фермерск эдл-ахусд хүврүлһнә төлә шигшлнг зака белдж батлж авх кергтә.Иим зака һарһад, ик эдл-ахусин төлә алвна кемжәг баһрулх төр тәвгджәнә. Тер саамд Хальмг танһчд онц эздүдин эдл-ахусин то баһрад йовна. Үлгүрнь, давсн жилд зуг Целинн районд шин хойр зун иим эдл-аху тогтагдв. Ода тадн Троицкое селәнә бәәрн күн Виктор Терботаевин эдл-аху үзжәнәт. Келхд, шанг селән һазр бәәх улст дөн күрглһнә льготтн программ батлж авсна хөөн, Терботаевихн эврәннь кергән эклж чадв. Тиигхд эдн түрүн авгтан бод мал экләд өскв. Ода болхла эднә онц эдл-аху олн халхта болсн деерән, олз-орута болв. Дәкәд болхла одахн, иим сән үкрмүд хулдж авч чадв. Ода Виктор Харитоновичин келсәр, һахан кичгүдт үс хәәәж авх төр эдниг үүмүлхш. Виктор Терботаевин келсәр, иим программ селән һазрт бәәх йир сән. Нег үлү, баһчудт ода мал эс өскхлә, йир күнд болна. Ода бәәдл-жирһл күндрәд йовна.
Виктор Харитоновичин тоолврар, онц эдл-ахуг крестьянск эдл-ахуд хүврүлхд амр. Зун күн болһн күцәжәсн көдлмшән даавртаһар кеһәд, ик килмж тусхаж көдлх зөвтә.
Колдан Наталья, Чуучян Валентина, Хулхачин Николай
