Танһчин правительствд селвлцән болв

Эндр Хальмг танһчин правительствин ахлач Игорь Зотов танһчин селәнә эдл-ахун болн жилишн-коммунальн эдл-ахун министерствсин һардачнрла селвлцә кев. Энүнд һол төр болж Хальмгин селәдт газ орулһна давсн жилин көдлмшин аш диглгдв. Министерствсин элчнрин зәнглсәр, нидн жил шишлнг программар Сарпинск района һурвн селәнд -Кануково, Шарнут болн Салын Тугтн поселкст кимд түлән орулгдв, Көтчнрә района Ергенинский селәнә әмтн газта болв. Эн жил болхла эн көдлмш цаарандан кегдх. Темдглсн зураһар кимд түлән Көтчнрә района Сараха болн Тугтн поселкст ирх, Яшкульск район Хар толһа поселкд газ орулгдх. Цуг эн ик дааврта көдлмш селәдин социальн-экономическ делгрлтин болн Өмн үзг нертә шишлнг программсар күцәгдв.