“Сарпа” нертә СПК-д селекционн эв-арһар тохма хөд өскнә

Көтчнрә района “Сарпа” нертә СПК-д селекционн эв — арһар тохма хөд өскнә. Эн цагин эргдцд эдл-ахусин көдләчнр дамшлта болсн деерән, талдан эдл ахусмудта бооца батлад көдлмшән цааранднь давулжана. Эн көдлмшт сүл цагт номтнр, специалистнр орлцжана.

Цөн минүтын эргцд Әрәсәхн ном шинжлһнә мах эд бод келлһнә институтын лабораторин ахлач Михаил Павлов хө хәләһәд шинжлтән кенә. Келхд, нег жил болсн хөөст ноосна бонировк кенә. Негдгч класст орсн хөөдин ноосн йилһән сән тоод орна. Август сард шинкән һарсн хурһдас шин отар цуглурх.

Михаил Павловин келсәр сүл цагт бидн шинжлһнә көдлмш дангин давулнавидн.Дала мах, дала ноос өгдг хөөдиг йилһнәвидн. Иигәд хөөдиг йилһхлә тохмньт сән болна гиж Әрәсәхн ном шинжлһнә мах эд бод келлһнә институтын лабораторин ахлач келв.

Михаил Павлов хальмгин хөөчнрлә олн жилдән көдлжәнә. Шин тохмта хөд ик махта болна. Зурһан сарта хурһн арвн арвн дөрвн килограмм күрнә, махнь йир шимтә болна. Тиим тохма хөөдиг һарһхин туст хамгин түрүнд эднә махнь болн нооснь шинжлж хәләгднә. Хальмгин усн һан халун теегт тиим хөд шулун өснә.

Михаил Павловин келсәр шин тохма хөөдин нооснь йир сән болн цаһан болна. Нурһнднь болн геснднь нооснь йир цаһан. Тохма хөөдиг өдр сө уга Хөөч Эдгән, әрә хәләнә. Арвн дөрвдгч Цуг Әрәсән тохма малын һәәхүлд Боря нертә хө алтн медальта болв.

Шин сән тохмта хөд өдгә цагт олн улсиг соньсулжана. Өдгә цагт эн туст федеральн бюджетас дала мөнгн йилдһж өггджәнә.

Эняева Ольга, Дмитрий Джамбинов